নিউজ ডেস্ক:
দেওবাৰে বলয়গ্রাস সূৰ্য গ্রহণ। কিন্তু অসমত দেখা নাযাব পূৰ্ণ বলয়গ্রাস৷ কিয়নো সূর্যৰ বলয়গ্রাসৰ পথ যাবব এইবাৰ উত্তৰ ভাৰতৰ ওপৰেদি। অসমৰ ডিব্ৰুগড় আৰু গুৱাহাটীসহ ভাৰতৰ বাকী অংশত কেৱল আংশিক গ্রহণ দেখা যাব বুলি কেন্দ্ৰীয় জ্যোতিৰ্বিজ্ঞান কেন্দ্ৰই জনাইছে।
অৱশ্যে বৰষুণৰ বাবে পুৱাৰ পৰাই আকাশ গোমা হৈ থাকিলে সূর্যৰ খণ্ডগ্রাসও কিমানখিনি দেখা যাব, তাক লৈও অনিশ্চয়তা আছে। কিন্তু কপাল ভাল থাকিলে, গুৱাহাটী-ডিব্ৰুগড়ৰ মানুহে প্রায় ডেৰ ঘণ্টা ধৰি প্ৰত্যক্ষ কৰিব পাৰিব এই গ্রহণ।
বলয়গ্রাস আৰু পূর্ণগ্রাস কি?
সূর্যৰ পোহৰতেই আলোকিত হয় সকলো গ্রহ আৰু উপগ্রহ। চন্দ্ৰ মাজত সোমাই পৰিলে যেতিয়া সম্পূৰ্ণভাৱে সূর্যক ঢাকি দিয়ে, তেতিয়া তাৰ ছায়াই ঢাকি পেলাই পৃথিৱীক। সেয়াই পূর্ণগ্রাস সূর্যগ্রহণ। তেতিয়া পৃথিৱীৰ পৰা সূর্যক আৰু দেখা নাযায়। দিনতে নামি আহে ৰাতিৰ দৰে অন্ধকাৰ।
আনহাতে, সূর্যৰ আংশিক গ্রহণ তেতিয়াই হয়, যেতিয়া মাজত সোমাই পৰিও চন্দ্ৰই সম্পূৰ্ণভাৱে সূর্যক ঢাকিব নোৱাৰে। তাৰফলত, কিছু সময়ৰ বাবে সূর্য চন্দ্ৰৰ দ্বাৰা ঢাক খাই যায়।
সূর্যৰ বলয়গ্রাসৰ সময়ত চন্দ্ৰই কেৱল সূর্যৰ কেন্দ্রটোকহে ঢাকি দিয়ে। তাৰ চাৰিওপাশে ঘেৰি থাকে সূর্যৰ পোহৰ। যেন ‘ৰিং অব ফায়াৰ’!
ক’ত ক’ত দেখা যাব পূৰ্ণ সূৰ্য গ্ৰহণ?
ডেৰাডুন, ঘৰছানা, কলংক আৰু কুৰুক্ষেত্ৰ৷
অসমত কিমান সময় দেখা যাব আংশিক সূৰ্য গ্ৰহণ?
ডিব্ৰুগড় আৰম্ভ হ’ব পুৱা ১১.০৭ বজাত৷ দিনৰ ১২.৫৪ত হ’ব সৰ্বাধিক আৰু ২.২৯ বজাত শেষ হ’ব৷
আনহাতে, গুৱাহাটীত আৰম্ভ হ’ব পুৱা ১০.৫৭ বজাত৷ সৰ্বাধিক হ’ব ১২.৪৫ত আৰু সমাপ্ত হ’ব বিয়লি ২.২৪ত৷
