মাজুলী : মাজুলীৰ অন্য এক আকৰ্ষণৰ স্থল হ’ল চামগুৰি সত্ৰৰ মুখাশিল্প ৷ মহাপুৰুষ শ্ৰীমন্ত শংকৰদেৱক অসমৰ মুখাশিল্পৰ জনক বুলি জনা যায় ৷ তেখেতে ভাওনাৰ বিভিন্ন চৰিত্ৰসমূহৰ মুখা তৈয়াৰ কৰি ভাওনাত ব্যৱহাৰ কৰাৰ ব্যৱস্থা কৰিছিল ৷ কেৱল সেয়ে নহয় অন্যান্য চৰিত্ৰসমূহৰ বাহন যেনে গৰুড়, হংস আদিৰো নিৰ্মাণ নিজ হাতেৰে কৰি ভাওনাত ব্যৱহাৰ কৰিছিল ৷
বাহৰ মিহি তমালেৰে মুখাৰ অৱয়বটো বনাই লৈ গোবৰ মাটিৰে লেপি মুখাখনা আকৃতি দিয়া হৈছিল ৷ শেষত বিভিন্ন ৰং বোলাই মুখাখন অধিক দেখনিয়াৰ কৰি তোলে ৷
গুৰুজনাই আৰম্ভ কৰা এই মুখাশিল্পৰ পৰম্পৰা বৰ্তমানো চলি আছে এই চামগুৰি সত্ৰত ৷ বৰ্তমান সেই সত্ৰত সত্ৰীয়া সংস্কৃতিৰ শিক্ষাৰ লগতে এই মুখাশিল্পৰ প্ৰশিক্ষণো দিয়া হয় দূৰদূৰণিৰপৰা অহা প্ৰশিক্ষাৰ্থীক ৷
