ষ্টাফ ৰিপ’ৰ্টাৰ
৬ আৰু ১৭ ডিচেম্বৰৰ দুদিনীয়া কাৰ্যসূচীৰে শিৱসাগৰত অনুষ্ঠিত অসম জাতীয় পৰিষদৰ ৰাজনৈতিক অভিবৰ্তনৰ আজি সামৰণি পৰে। শিৱসাগৰৰ ঐতিহাসিক বৰ্ডিং খেলপথাৰত আজি অনুষ্ঠিত মুকলি সভাত আজি অসম জাতীয় পৰিষদ দল গঠনৰ আনুষ্ঠানিক ঘোষণা কৰা হয়। লগতে ঘোষণা কৰা হয় দলটোৰ কাৰ্যনিৰ্বাহক সমিতিখনো। লুৰিণ জ্যোতি গগৈক সভাপতি, সদ্য অগপ ত্যাগ কৰি অহা বিধায়ক পবিন্দ্ৰ ডেকাক কাৰ্যকৰী সভাপতি আৰু জগদীশ ভূঞাক সাধাৰণ সম্পাদক হিচাপে লৈ মূল সমিতিখন গঠন কৰা হয়। লগতে ১১গৰাকী উপ সভাপতি, ১১গৰাকী সম্পাদক, ১১গৰাকী যুটীয়া সম্পাদক আৰু ১১গৰাকী সাংগঠনিক সম্পাদকৰ নামো ঘোষণা কৰা হয়।
আজিৰ মুকলি সভাত এএছডিচি আৰু আদিবাসী ছাত্ৰ সন্থাই আগন্তুক দিনত এজেপিৰ সৈতে একেলগে কাম কৰাৰ প্ৰতিশ্ৰুতি প্ৰদান কৰে। আনহাতে, অভিবৰ্তন উপলক্ষে প্ৰকাশিত স্মৃতিগ্ৰন্থখন আনুষ্ঠানিকভাৱে উন্মোচন কৰে মুখ্য আহ্বায়ক ডঃ কৃষ্ণ গোপাল ভট্টাচাৰ্যই।
আজিৰ সভাত কেইবাটাও ৰাজনৈতিক প্ৰস্তাৱ গ্ৰহণ কৰাৰ লগতে আগন্তুক ৫০ বছৰৰ বাবে কৰ্মসূচী নিৰ্ধাৰণ কৰি দলটো আগবাঢ়ি যোৱাৰ লক্ষ্য নিৰ্ধাৰণ কৰা হয়।
ইফালে আজি পুৱা নাট্যমন্দিৰত অনুষ্ঠিত হয় প্ৰতিনিধি সভা। উক্ত প্রতিনিধি সভাত দলৰ সংবিধানখন আনুষ্ঠানিকভাৱে গ্ৰহণ কৰা হয়।
আনহাতে, বুধবাৰে প্ৰথম দিনৰ কাৰ্যসূচীত অনুষ্ঠিত হয় প্ৰতিনিধি সভা আৰু দিক দৰ্শন অনুষ্ঠান। উক্ত অনুষ্ঠানত মুখ্য অতিথি হিচাপে উপস্থিত থাকে হোমেন বৰগোহাঞি।
অসম জাতীয় পৰিষদৰ সম্পূৰ্ণ কাৰ্যনিৰ্বাহক সমিতি
সভাপতি : লুৰিন জ্যোতি গগৈক
কাৰ্যকৰী সভাপতি : পবিন্দ্ৰ ডেকা
উপ সভাপতি : অদীপ কুমাৰ ফুকন, ডঃ শিখৰ শৰ্মা, ৰানা চাংমাই, ৰবীন্দ্ৰ কুমাৰ দত্ত, ইজৰাইল নন্দ, ইমদাদ হুছেইন, পলাশ ৰঞ্জন বৰুৱা, প্ৰদীপ ৰঞ্জন কৰ, ডঃ হৰেন চুতীয়া, ডঃ বীৰেন বৰুৱা, প্ৰণীতা ডেকা
সাধাৰণ সম্পাদক : জগদীশ ভূঞাক
সম্পাদক : চিত্তৰঞ্জন বসুমতাৰী, ৰাজু ফুকন, ৰাফেল কুজুৰ, বিশ্বজিৎ টিপমীয়া, জান বৰা, ৰাজীৱ ভট্টাচাৰ্য, সঞ্জয় দেৱ, দীপক হাজৰিকা, আব্দুল হাচিম, কমল ডেকা আৰু বাণী দাস
যুটীয়া সম্পাদক : প্ৰিন্স ফাইজুৰ হক, লুচী নেওগ, লাকিমণি বৰা, ইমদাদ হুছেইন, ডঃ গোপাল ফুকন, কমলেশ ডেকা, মৈত্ৰেয়ি প্ৰিয়দৰ্শনী, চন্দ্ৰপ্ৰকাশ শৰ্মা খন্দেলৱাল, সমীৰ মেচ, দুলদুল বৰকটকী, পার্থ প্ৰতিম ভৰালী
সাংগঠনিক সম্পাদক : চন্দন সন্দিকৈ, অচ্যুৎ শইকীয়া, ফকৰুল ইছলাম মজুমদাৰ, ৰানা বৰদলৈ, গোবিন্দ বায়ন, টংকেশ্বৰ কোঁৱৰ, ৰূপজ্যোতি ৰাজবংশী, ওহেদুৰ খন্দেকৰ, গোবিন বায়ন, মহেশ বৰ্মন, পবন শইকীয়া
