ষ্টাফ ৰিপ’ৰ্টাৰ
ৰাইজৰ দলৰ চূড়ান্ত প্ৰাৰ্থী তালিকা ঘোষণা। মঠঘৰীয়া মুখ্য কাৰ্যালয়ত সংবাদমেলৰ জৰিয়তে কাৰ্যকৰী সভাপতি ভাস্ক’ ডি শইকীয়াই ঘোষণা কৰিলে ১৭টা সমষ্টিৰ প্ৰাৰ্থী তালিকা। কাৰাবন্দী সভাপতি অখিল গগৈৰ অনুমোদনৰ ভিত্তিত প্ৰাৰ্থী তালিকা ঘোষণা। প্ৰথম পৰ্যায়ৰ ১১টা সমষ্টি আৰু দ্বিতীয় পৰ্যায়ৰ ৬টা সমষ্টিৰ বাবে ঘোষণা কৰে প্ৰাৰ্থী তালিকা। দলটো সভাপতি কাৰাবন্দী অখিল গগৈয়ে শিৱসাগৰ সমষ্টিৰ পৰা নির্বাচনত অৱতীৰ্ণ হ’ব।
ইয়াৰ উপৰিও ৰহাত ৰুবুল দাস, কমলপুৰত জিতুল ডেকা, দলগাঁও ওমৰ আলি, ৰঙিয়া হৰেশ্বৰ বৰ্মন, যমুনামুখ দিলোৱাৰ বেগম চৌধুৰী, ধিঙ মেহবুব মুক্তাব, চাবুৱা দ্বিপনজ্যোতি ফুকন, টীয়ক কবিন্দ্ৰ চেতিয়া ফুকন, উত্তৰ কৰিমগঞ্জ চাহাবঙল ইছলাম চোধুৰী ওৰফে পাৰুল চৌধুৰী, বোকাখাটত জীৱন চন্দ্ৰ বৰা, মাহমৰা লোহিত গগৈ, বিহপুৰীয়া অনুপ শইকীয়া, মৰাণ মোহিনী মোহন লিগিৰা, তেজপুৰ অলক নাথ, ৰঙাপাৰা বিজয় তিৰ্কী, ৰূপহীহাটত নজৰুল ইছলাম।
আনহাতে, দলৰ সভাপতি অখিল গগৈয়ে দ্বিতীয়টো সমষ্টিত প্ৰাৰ্থিত্ব আগবঢ়াব পাৰে মৰিয়নী সমষ্টিৰ পৰা। বৰ্তমান আলোচনা কৰি থকা হৈছে। সংবাদমেলত জনালে দলৰ কাৰ্যকৰী সভাত শইকীয়াই।
এজেপি-ৰাইজৰ দলৰ মিত্ৰতা অক্ষুন্ন থাকিব। কিন্তু বহুকেইটা সমষ্টি দুইয়োটা দলে প্ৰাৰ্থী ঘোষণা কৰিছে যদিও আলোচনা মৰ্মে সিদ্ধান্ত গ্ৰহণ কৰা হ’ব বুলি জানিব দিয়ে ৰাইজৰ দলৰ নেতৃত্বই।
