নিউজ ডেস্কঃ
এইবাৰ আমেৰিকাৰ কলোৰাডোত বন্দুকধাৰীৰ আক্ৰমণ৷ আক্ৰমণত ৬ জনৰ মৃত্যু হোৱাৰ লগতে আততায়ীয়ে নিজেও আত্মহত্যা কৰে। ঘটনাৰ বিবৱৰণী মতে, আততায়ী যুৱকজনৰ সৈতে তেওঁৰ প্রেমিকাৰ কিছুদিন পূৰ্বে অভিমান লাগে। আৰু তাৰ পিছতেই প্ৰতিশোধ ল’বলৈ তৎপৰ হৈ উঠে উক্ত যুৱকজন। কলোৰাডোত প্রেমিকাৰ পৰিয়ালৰ কোনো এক সদস্যৰ জন্মদিনৰ অনুষ্ঠান চলি আছিল।
উক্ত অনুষ্ঠানতেই আক্ৰমণ চলায় আততায়ীজনে। আক্ৰমণৰ ফলত ঘটনাস্থলীতেই মৃত্যু হয় ৬ জনৰ। পিছত আততায়ী যুৱকজনেও নিজে গুলীয়াই আত্মহত্যা কৰে। সমগ্ৰ ঘটনাৰ তদন্ত কৰিছে কলোৰাডো স্প্রিং আৰক্ষীয়ে। আৰক্ষীয়ে ঘটনাস্থলীৰ পৰা মৃতদেহবোৰ উদ্ধাৰ কৰে। আৰক্ষীৰ তৎপৰতাত আততায়ীজনক হস্পিটেললৈ লৈ যোৱা হয় যদিও তাত চিকিৎসকে মৃত ঘোষণা কৰে।
