ASSAM TIMES POST
বেংগালুৰুঃ চন্দ্ৰযান-২ৰ ইপ্সিত লক্ষ্যত উপনীত নোহোৱা সত্বেও প্ৰধানমন্ত্ৰী নৰেন্দ্ৰ মোডীয়ে শনিবাৰে পুৱাই বেংগালুৰুস্থিত ভাৰতীয় মহাকাশ গৱেষণা সংস্থা চমুকৈ ইছৰোৰ নিয়ন্ত্ৰণ কেন্দ্ৰত বিজ্ঞানীসকলক উচ্চ প্ৰশংসা কৰে। ইয়াতে প্ৰধানমন্ত্ৰীজনে দেশৰ ভিন্ন প্ৰান্তৰপৰা চন্দ্ৰযান-২ৰ অৱতৰণ প্ৰত্যক্ষ কৰিবলৈ অহা ছাত্ৰ-ছাত্ৰীসকলৰ সৈতে বাৰ্তালাপ কৰে। বাৰ্তালাপ কৰি থকাৰ মাজতে এজন ছাত্ৰই মোডীক অনুৰোধ জনাই কয় যে তেওঁৰ ৰাষ্ট্ৰপতি হোৱাৰ খুউব ইচ্ছা আছে। সেয়েহে এনে হ’বলৈ প্ৰধানমন্ত্ৰীজনে তেওঁক কৌশলবোৰ শিকাই দিব লাগে। ইয়াৰ উত্তৰত মোডীয়ে কয়, ‘তুমি ৰাষ্ট্ৰপতি হ’ব খুজিছা। কিন্তু কিয় তুমি প্ৰধানমন্ত্ৰী হ’ব খোজা নাই?’ প্ৰধানমন্ত্ৰীজনৰ এনে মন্তব্যই সম্প্ৰতি চৰ্চা লাভ কৰিছে।
