ASSAM TIMES POST
ডিফু: অসম সাহিত্য সভাৰ ডিফু আঞ্চলিক ( ৰাংচিনা ভৱন)ৰ কাৰ্যালয়ৰ সম্পাদক মঞ্জু হাজৰিকাৰ বিৰুদ্ধে যোৱা ২৯ আগষ্টত ডিফুৰ ব্যৱসায়ী ৰাম অৱতাৰ স্বামীক ব্লেকমেইলিঙ কৰাৰ অভিযোগত আৰক্ষীয়ে আটক কৰি ন্যায়িক জিন্মালৈ প্ৰেৰণ কৰা কাৰ্যকলৈ সৰৱ হৈ পৰিছে কাৰবি আংলং আৰু ডিফু সাহিত্য সভাই৷
এইলৈ জয়চিং টকবীয়ে সম্পাদকৰ দায়িত্ব লোৱাৰ পিছত আজি সাহিত্য সভাৰ এক সঁজাতি দলে জিলা উপায়ুক্ত মুকুল কুমাৰ শইকীয়াক সাক্ষাৎ কৰি এক লিখিত অৰ্পণ কৰে ৷
আবেদন পত্ৰখনত উল্লেখ থকা অনুসৰি অসম সভাৰ দৰে সৰ্ববৃহৎ জাতীয় অনুষ্ঠানৰ আঞ্চলিক সম্পাদক পদত অধিষ্ঠিত গুৰুত্বপূৰ্ণ বিষয়ববীয়া এগৰাকীক আত্মপক্ষ সমৰ্থনৰ সামান্যতম কোনো সুযোগ নিদিয়াকৈ ৰাম অৱতাৰ স্বামীৰ দৰে বহু বিতৰ্কিত ব্যৱসায়ী এজনে যোৱা ২৯ আগষ্টত ডিফু থানাত ৰুজো কৰা ফৌজদাৰী গোচৰৰ ভিত্তিত ৰাংছিনা ভৱনৰ আঞ্চলিক সম্পাদক মঞ্জু হাজৰিকাক ডিফু আৰক্ষীয়ে তৎপৰতাৰে ১৪ দিনৰ ন্যায়িক জিম্মালৈ প্ৰেৰণ কৰে ৷
লক্ষণীয়ভাবে মঞ্জু হাজৰিকা বৰ্তমানলৈকে জেল হাজোতত আছে ৰাম অৱতাৰ স্বামীক জিলাখনৰ কেইবাটাও দল সংগঠনে নিৰপেক্ষ তদন্তৰ আওতালৈ দাবী উত্থাপন কৰিছিল যদিও আৰক্ষীয়ে আজিলৈকে তেওঁক তদন্তৰ আওতালৈ নানিলে ৷
ৰাম অৱতাৰ স্বামী জিলাখনৰ এজন প্ৰতিষ্ঠিত ব্যৱসায়ী হোৱাৰ বাবেই আৰক্ষীৰ তদন্ত নিৰপেক্ষ নোহোৱাৰ কথা ইতিমধ্যে কেইবাখনো বাতৰি কাকতত সবিস্তাৰে প্ৰকাশ পাইছে ৷
ৰাম অৱতাৰ স্বামী আৰু মঞ্জু হাজৰিকাই সঁচাকৈয়ে যদি বিবাশ পাশত আৱদ্ধ হৈছিল তাৰ বাবে দুয়োপক্ষ জগৰীয়া বুলি সাহিত্য সভাই অনুভৱ কৰিছে ৷ হিন্দু আইন অনুসৰি নিজৰ পত্নী তথা পৰিয়াল থকাৰ পিছতো অন্য নাৰীক বিয়া কৰোৱাৰ অপৰাধত ৰাম অৱতাৰ স্বামী অধিক জগৰীয়া ৷
সেয়ে ঘটনা সন্দৰ্ভত আইন আৰু প্ৰশাসনৰ প্ৰতি অধিক আস্থাশীল আৰু বিশ্বাস সুদৃঢ় কৰিব বুলি জিলা সাহিত্য সভা আৰু ডিফু সাহিত্য সভাই জিলা উপায়ুক্তৰ আবেদনৰ জৰিয়তে আশা ব্যক্ত কৰিছে ৷
