ASSAM TIMES POST
বোকাখাতঃ বোকাখাতৰ এখনি আগশাৰীৰ ইংৰাজী মাধ্যমৰ মিশ্যনেৰী শিক্ষা প্ৰতিষ্ঠান খ্ৰীষ্টজ্যোতি বিদ্যালয়ৰ দশম শ্ৰেণীৰ ছাত্ৰী অশ্লেষা ভৰালীলৈ শিক্ষাকে আদি কৰি বিভিন্ন ক্ষেত্ৰত দেখুওৱা পাৰদৰ্শিতাৰ বাবে ২০১৮-১৯ বৰ্ষৰ “খ্ৰীষ্টজ্যোতি ৰত্ন ” সন্মান আগবঢ়োৱা হৈছে।
এই উদ্দেশ্যে বিদ্যালয়ত আয়োজিত এক সম্বৰ্ধনা অনুষ্ঠানত কালি ছাত্ৰী গৰাকীক সম্বৰ্ধনা জনোৱা হয়। ফাদাৰ কে পি থমাচৰ উপস্থিতিত এই অনুষ্ঠানত বোকাখাতৰ চি এন বি কলেজৰ অধ্যক্ষ শৰত দত্ত, ফাদাৰ মেথিউ, ৰংবং ডনবস্ক’ৰ ফাদাৰ বেনী, ডলামৰ ডনবস্ক’ৰ ফাদাৰ বিনোদৰ লগতে ছাত্ৰী গৰাকীৰ অভিভাৱক, বিদ্যালয়ৰ শিক্ষক শিক্ষয়িত্ৰী, ছাত্ৰ-ছাত্ৰীউপস্থিত থাকে।
মেধাৱী ছাত্ৰী গৰাকীৰ এই সাফল্যত উৎফুল্লিত হৈছে ছাত্ৰ ছাত্ৰী, শিক্ষক, অভিভাৱকৰ লগতে গৃহ অঞ্চল। অশ্লেষা ভৰালী বোকাখাতৰ লখৌজান নিবাসী নিৰ্মল ভৰালী আৰু ৰুলী খনিকৰৰ কণিষ্ঠা কন্যা। সম্বৰ্দ্ধনা অনুষ্ঠানত উপস্থিত বিশিষ্ট অতিথি সকলৰ লগতে ছাত্ৰী গৰাকীৰ পিতৃ নিৰ্মল ভৰালীয়েও বক্তব্য ৰাখে।
