বৰলাংফাৰ মঙ্গলধন বস্তিত স্বপ্নলোকৰ বস্ত্ৰ বিতৰণ

ষ্টাফ ৰিপৰ্টাৰ

ডিফু : ডিফুৰ সামাজিক সংগঠন স্বপ্নলোকৰ তৰফৰ পৰা আজি বৰলাংফাৰ মঙ্গলধন বস্তিত বস্ত্ৰ বিতৰণ কৰা হয় ৷
মঙ্গলধন বস্তিৰ বৌদ্ধ মন্দিৰ প্ৰাংগনত সেই এলেকাৰ চাকমা, ৰিয়াং, কাৰবি, ডিমাছা আৰা বিহাৰী বস্তিৰ বৃদ্ধ লোকসকলৰ মাজত কম্বল আৰু সৰু-সৰু ল’ৰাছোৱালীৰ মাজত চুৱেটাৰ বিতৰণ কৰা হয়৷ প্ৰায় তিনিশ লোক উপস্থিত থকা বস্ত্ৰ বিতৰণ অনুস্হানত ১০০ বৃদ্ধ লোকক কম্বল আৰু ১০০ ল’ৰা-ছোৱালীৰ মাজত চুৱেটাৰ বিতৰণ কৰা হয় ৷ অনুষ্ঠানত স্বপ্নলোকৰ সভাপতি সঞ্জু বৰাই স্বপ্নলোকৰ সম্পাদিকা নিবেদিতা ঘোষে নিজে চকুৰে নেদেখিও কিদৰে দুখীয়া ছাত্ৰ-ছাত্ৰীক শিক্ষাদান কৰি আহিছে, প্ৰতি দেওবাৰে চানডে ফকাছ নামৰ এটা জনপ্ৰিয় অনুষ্ঠান চলাই আহিছে তাৰ ব্যাখ্যা কৰে ৷

স্বপ্নলোকৰ বিভিন্ন শুভাকাংক্ষীয়ে দিয়া দানেৰে অভাৱগ্ৰস্ত লোকৰ মাজত কম্বল আৰু চুৱেটাৰ কিনি বিতৰণ কৰিবলৈ অনাৰ বিষয়ে কয় ৷ সম্পাদিকা নিবেদিতা ঘোষে ৰাইজৰ সহযোগত বস্ত্ৰ বিতৰণ সুকলমে হ’ব বুলি ৰাইজক কয় ৷ স্বপ্নলোকৰ তুলসী শৰ্মা, সন্দীপন সাৰঙ্গ, মধু, জেছমিনা প্ৰমুখ্যে কৰ্মকৰ্তাসকলক মঙ্গলধন চাকমা বস্তিৰ গাওঁবুঢ়া মনোৰঞ্জন চাকমা, শ্যামল চকমাসহ গাওঁবাসীয়ে সহযোগ কৰে৷