হোজাইৰ পৰা মনোজ কুমাৰ পাঠক
হোজাইৰ লংকাৰ ৰাণীপুখুৰীত বিধংসী অগ্নিকাণ্ডৰ ঘটনা। শিক্ষক কৃপাময় ৰয় নামৰ লোকজনৰ গৃহত এই অগ্নিকাণ্ড।
অগ্নিকাণ্ডৰ ফলত গেলামাল আৰু কম্পিউটাৰৰ দুখনকৈ দোকানসহ আৱাসগৃহত জুইত জাহ যায়। কম্পিউটাৰ বিপনীখনত বৈদ্যুতিক বিজুটি হোৱাৰ ফলতেই এই অগ্নিকাণ্ড সংঘটিত হোৱাৰ সন্দেহ ভোক্তভোগী পৰিয়ালৰ।
প্ৰথমে কম্পিউটাৰ দোকানখনতেই জুইৰ সূত্ৰপাত হৈ আবাসগৃহটো জুয়ে আৱৰি ধৰে। জুইত সম্পূৰ্ণৰূপে জাহ যায় গেলামাল দোকানসহ কম্পিউটাৰ দোকানখন।
প্ৰায় ১০-১২ লাখ টকাৰ সা-সম্পতি বিনষ্ট হোৱাৰ লগতে কৃপাময় ৰয়ৰ বিদ্যালয়ৰ কিতাপকে ধৰি কিছু মূল্যবান নথি-পত্ৰ জুইত জাহ যায়।
বহু পলমকৈ ঘটনাস্থলীত অগ্নিনিৰ্বাপক বাহিনীৰ লোক উপস্থিত হোৱাৰ অভিযোগ। বৰ্তমানো দুখনকৈ অগ্নিনিৰ্বাপকৰ বাহনেৰে জুই নিৰ্বাপনৰ চেষ্টা অব্যাহত আছে।
