পৰিষদীয় ফটোযুক্ত ভোটাৰ তালিকা প্ৰস্তুতকৰণৰ বাবে কৰ্তৃত্বশীল ৰিটাৰ্ণিং বিষয়াৰ নিযুক্তি

ষ্টাফ ৰিপ’ৰ্টাৰঃ

ডিফু : সমাগত কাৰবি আংলং স্বায়ত্তশাসিত পৰিষদৰ নিৰ্বাচনৰ ফটোযুক্ত ভোটাৰ তালিকা প্ৰস্তুতকৰণৰ বাবে কৰ্তৃত্বশীল ৰিটাৰ্ণিং বিষয়াৰ নিযুক্তি প্ৰদান কৰিছে নিৰ্বাচন আয়োগে ৷ ৰাজ্যিক নিৰ্বাচন আয়োগে কাৰবি আংলং স্বায়ত্তশাসিত পৰিষদৰ নিৰ্বাচনৰ বাবে এক অধিসূচনা যোগে ফটোযুক্ত ভোটাৰ তালিকা প্ৰস্তুতৰ বাবে বিষয়াক নিযুক্তি প্ৰদান কৰিছে ৷

ইয়াৰে ক্ৰমে, ১২ নং ফুলনি পৰিষদীয় সমষ্টিৰ বাবে হাওৰাঘাটৰ খণ্ড উন্নয়ন বিষয়া জিলজিলি থাউছেন, ১৯ নং ধনশিৰি পৰিষদীয় সমষ্টিৰ বাবে আৰ এণ্ড বি ডিভিজনৰ লোক নিৰ্মাণ বিভাগৰ অতিৰিক্ত মুখ্য অভিযন্তা জুৱেল তিমুঙ আৰু ২০ নং সিংহাসন পৰিষদীয় সমষ্টিৰ বাবে কাৰবি আংলং জলসিঞ্চন বিভাগৰ চতুৰ্থ জ’নৰ অতিৰিক্ত মুখ্য অভিযন্তা ওংকাৰ বে’ক কৰ্তৃত্বশীল ৰিটাৰ্ণিং বিষয়া হিছাপে নিযুক্তি প্ৰদান কৰা হৈছে বুলি নিৰ্দেশনাটোত উল্লেখ আছে ৷