ছাইদুল ইছলাম
ডিফু : জীৱনৰ প্ৰথমবাৰৰ বাবে ‘দাওহাৰু লংলাৰাম’ নামৰ উপন্যাস ৰচনা কৰি উপন্যাস খনৰ বাবে পাহাৰীয়া জিলা কাৰবি আংলঙৰ সঁহাৰি পাবলৈ ডিফুত উপস্থিত হৈছে লেখক মিল’জা বসুমতাৰী ৷ পেছাত গুৱাহাটী উচ্চ ন্যায়ালয়ৰ এগৰাকী অধিবক্তা মিল’জা বসুমতাৰীয়ে বড়ো সকলে কাৰবি আংলঙলৈ প্ৰৱজন কৰা বিষয়ৰ আলমলৈ ৰচনা কৰা ১৬৮ পৃষ্ঠাজোৰা উপন্যাসখন ইতিমধ্যে গুৱাহাটীত উন্মোচন কৰা হৈছে ৷
আজি বিয়লি ডিফু প্ৰেছ ক্লাৱত আয়োজিত এক মত-বিনিময় অনুষ্ঠানত লেখিকা মিল’জা বসুমতাৰীয়ে উপন্যাসখনৰ সন্দৰ্ভত সাংবাদিকসকলৰ সৈতে মত বিনিময় কৰে ৷ মত-বিনিময় অনুষ্ঠানত উপন্যাসখনৰ মূল চৰিত্ৰ দাওহাৰু লংলাৰামৰ ওপৰত আলোকপাত কৰে ৷ লেখিকা গৰাকীয়ে ২৪০ টকা মূল্যৰ ‘দাওহাৰু লংলাৰাম’ উপন্যাসখন পাহাৰীয়া জিলাখনৰ পাঠকৰ যথোচিত সঁহাৰি পাব বুলি আশা ব্যক্ত কৰে ৷ আজিৰ গাম্ভীৰ্যপূৰ্ণ মত-বিনিময় অনুষ্ঠানত ডিফু প্ৰেছ ক্লাৱৰ সভাপতি তথা বিশিষ্ট লেখক সাংবাদিক বৰচিং ৰংফাৰৰ লগতে লেখিকা মিল’জা বসুমতাৰীৰ স্বামী চিমিয়ন দুৰঙ সমাজ কৰ্মী কংকাট টেৰণ উপস্থিত থাকে ৷
ইতিমধ্যে উপন্যাসখনৰ দুই শতাধিক উপন্যাস বিক্ৰি হৈছে বুলি লেখকে সাংবাদিকক জানিবলৈ দিছে ৷
