২৮ এপ্ৰিলত মোদীৰ আগমন উপলক্ষে কাৰ্বি আংলং-ডিব্ৰুগড়ত স্থানীয় বন্ধ ঘোষণা

অহা ২৮ এপ্ৰিলত অসম ভ্ৰমণলৈ আহিব প্ৰধানমন্ত্ৰী নৰেন্দ্ৰ মোদী৷ তেওঁৰ ভ্ৰমণকালত কাৰ্বি আংলং আৰু ডিব্ৰুগড় জিলাত কেইবাটাও কাৰ্যসূচীত অংশগ্ৰহণ কৰিব৷ লগতে উদ্বোধন কৰিব কেইবাটাও প্ৰকল্প, চিকিৎসালয় আৰু অন্যান্য নিৰ্মাণকাৰ্য ৷

প্ৰধানমন্ত্ৰীৰ উক্ত ভ্ৰমণ কাৰ্যসূচী উপলক্ষে অহা ২৮ এপ্ৰিলত কাৰ্বি আংলং আৰু ডিব্ৰুগড় জিলাত স্থানীয় বন্ধৰ দিন ঘোষণা কৰা হৈছে৷ উক্ত দিনা সংশ্লিষ্ট জিলা দুখনৰ সকলো ৰাজ্যিক কাৰ্যালয়, শিক্ষানুষ্ঠান আদি বন্ধ থাকিব৷ অসম চৰকাৰৰ সাধাৰণ প্ৰশাসন বিভাগৰ মুখ্য সচিবে এক বিজ্ঞপ্তিযোগে এই কথা প্ৰকাশ কৰিছে ৷