নগাঁও জিলাৰ নৰ্তম গাঁৱত সংঘটিত এক পথ দুৰ্ঘটনাত মৃত্যুক আকোঁৱালি লয় কাৱৈমাৰী চিকিৎসালয়ত কৰ্মৰত মহজিদৰ ওচৰৰ নিবাসী ডাঃ ৰিজুৱানা বেনজিয়ে। তেওঁ চলাই যোৱা আই টেন এ এছ ০৬ এ ই ৫০০৬ গাড়ীখনক এ এছ ০১ এইচ চি ১৪৫০ নম্বৰৰ বাছ খনে খুন্দা মৰাৰ ফলত উক্ত দুৰ্ঘটনাটো সংঘটিত হয় ৷
বাছৰ খুন্দাত আই টেন গাড়ীখন সম্পূৰ্ণ ৰূপে বিধ্বস্ত হোৱাৰ লগতে চিকিৎসক গৰাকীৰ গাড়ীখনো ভাঙি যায়। চিকিৎসক গৰাকীক নগাঁৱৰ এখন ব্যক্তিগত চিকিৎসালয়ত ভৰ্তি কৰোৱাৰ পিছত মৃত্যুক আকোঁৱালি লয় ৷ উল্লেখ্য যে, বাছখনে ভুল পথেৰে অহাৰ বাবে দুৰ্ঘটনা সংঘটিত হোৱা বুলি অভিযোগ উঠিছে ৷ বাছখনে আৰক্ষী জোৱান কঢ়িয়াই আনিছিল ৷
