আবকাৰী দুৰ্নীতিৰ গোচৰত (Excise corruption case) পুনৰ চিবিআই (CBI)য়ে দিল্লীৰ উপ-মুখ্যমন্ত্ৰী মনীষ চিছোদিয়াক (Manish Sisodia) চমন জাৰি (Summons issued) কৰে। দেওবাৰে দিল্লীৰ কেন্দ্ৰীয় তদন্ত সংস্থাৰ কাৰ্যালয়ত হাজিৰ হʼবলৈ নিৰ্দেশ দিয়া হৈছে। অৰবিন্দ কেজৰিৱালৰ ‘ডেপুটি’য়ে নিজেই টুইট কৰি চিবিআইৰ চমনৰ খবৰ জনাই।
চিবিআইৰ সূত্ৰ অনুসৰি, এই দুৰ্নীতিৰ গোচৰত চিছোডিয়াৰ বিৰুদ্ধে তদন্তকাৰীয়ে কিছু নতুন প্ৰমাণ পাইছে, সেইটোৱেই হৈছে তেওঁক মতাৰ উৎস।বিগত বছৰ জন্মাষ্টমীৰ পুৱা চিছোদিয়াৰ ঘৰকে ধৰি আন কেইবাটাও অঞ্চলত চিবিআইয়ে তালাচী অভিযান চলাইছিল। দিল্লীৰ উপ-মুখ্যমন্ত্ৰীৰ ঘৰত প্ৰায় ১৪ ঘণ্টা ধৰি অভিযান চলাইছিল। ইয়াৰ পিছত তদন্তকাৰীয়ে তেওঁৰ বেংকৰ লকাৰো পৰীক্ষা কৰে।
কেন্দ্ৰীয় তদন্তকাৰী সংস্থাই যোৱা আগষ্টত চিছোডিয়া আৰু ১৪ জনৰ বিৰুদ্ধে এফআইআৰ দাখিল কৰিছিল। এই দুৰ্নীতিৰ গোচৰত পুনৰ চিছোদিয়াক চমন দিয়ে। যিয়ে এই বিষয়টোত এক নতুন মাত্ৰা যোগ কৰিলে।চিবিআইৰ চমনৰ সন্দৰ্ভত চিছোদিয়াই টুইটাৰত লিখিছে, “কাইলৈ চিবিআইয়ে মোক পুনৰ ফোন কৰি মাতিছে।
তেওঁলোকে (কেন্দ্ৰ) মোৰ বিৰুদ্ধে ইডি, চিবিআই ব্যৱহাৰ কৰিছে। মোৰ ঘৰ, বেংকৰ লকাৰত বিষয়াসকলে তালাচী চলালে। কিন্তু, মোৰ বিৰুদ্ধে একো পোৱা নগʼল। দিল্লীৰ শিশুসকলৰ বাবে সংগঠিত সু-শিক্ষা ব্যৱস্থাৰ আয়োজন কৰিছো। কিন্তু তেওঁলোকে ইয়াক বন্ধ কৰিব বিচাৰে।” চিছোডিয়াই টুইটাৰত আৰু কয় যে তেওঁ তদন্তত সহযোগ কৰিব।
ইয়াৰ পূৰ্বে চিছোদিয়াই দাবী কৰিছিল যে বিজেপিয়ে আপ চৰকাৰক উৎখাত কৰাৰ চেষ্টা চলাইছে। তেওঁক বিজেপিত যোগদানৰ প্ৰস্তাৱ দিয়া হৈছে। তেওঁ টুইটাৰত লিখিছে, “বিজেপিৰ পৰা এটা বাৰ্তা পাইছো- বিজেপিত যোগদান কৰক, চিবিআই-ইডিৰ সকলো গোচৰ বন্ধ হ’ব!
বিজেপিৰ প্ৰতি মোৰ উত্তৰ- মই মহাৰাণা প্ৰতাপৰ বংশধৰ, মই ৰাজপুত। মূৰ কাটি দিম কিন্তু দুৰ্নীতিপৰায়ণ ষড়যন্ত্ৰকাৰীৰ আগত মূৰ নত নকৰো। মোৰ বিৰুদ্ধে সকলো গোচৰ মিছা, আপুনি যি মন যায় কৰিব পাৰে।” দিল্লীৰ মুখ্যমন্ত্ৰী অৰবিন্দ কেজৰিৱালে চিছোদিয়াৰ ঘৰত চিবিআইৰ তালাচীক লৈ বিজেপি চৰকাৰক তীব্ৰ সমালোচনা কৰে।
