বিমানখন পলমকৈ অহাৰ বাবে মহিলাগৰাকীয়ে ঘণ্টাৰ পিছত ঘণ্টা বিমানবন্দৰত বহি থাকিবলগীয়া হৈছিল। লগতে বিমানখনৰ সকলো যাত্ৰী হাৰাশাস্তিৰ চিকাৰ হয়। মহিলাগৰাকীয়ে এই বিষয়ে বিমান সংস্থাটোৰ ওচৰত অভিযোগ দিবলৈ ChatGPT-ৰ আশ্ৰয় লয়। তাৰ ফলো লাভ কৰে হাতে হাতে ।
ইনষ্টাগ্ৰামত এটা ভিডিঅ’ পোষ্ট কৰি মহিলাগৰাকীয়ে ChatGPT-ত নিজৰ অভিজ্ঞতা শ্বেয়াৰ কৰে। তেওঁ কয় যে তেওঁ ChatGPT-ক বিমান সংস্থাটোলৈ “মিঠা কিন্তু আক্ৰমণাত্মক আৰু কঠোৰ” ইমেইল লিখিবলৈ নিৰ্দেশ দিছিল। কিছু মুহূৰ্তৰ ভিতৰতে মহিলাগৰাকীৰ উদ্দেশ্য সফল হয়। তেওঁ বিচৰা ধৰণে কৃত্ৰিম বুদ্ধিমত্তাৰ এই প্ৰযুক্তিয়ে চিঠি লিখি সংশ্লিষ্ট সংস্থাটোলৈ ইমেইলৰ ৰূপত প্ৰেৰণ কৰিছিল।
ChatGPT-ৰ কীৰ্তিত মুগ্ধ মহিলা ব্যৱহাৰকাৰীগৰাকী। তেওঁৰ উত্তৰ, “এইটোৱেই ভৱিষ্যত! ChatGPT-এ কি কি কাম অপ্ৰয়োজনীয় কৰি তুলিব?”
মহিলাগৰাকীয়ে কয় যে বিমানবন্দৰত ঘণ্টাৰ পিছত ঘণ্টা অপেক্ষা কৰি বিমানখন পলমকৈ অহাৰ বাবে কি কি সমস্যাৰ সন্মুখীন হʼবলগীয়া হৈছিল সেই বিষয়ে সঠিকভাৱে বুজাই ChatGPT-লৈ এখন চিঠি লিখিছে। হতাশা আৰু বিৰক্তি আদি হৃদয়ৰ প্ৰকাশভংগীও তেওঁৰ লেখাত প্ৰকাশ পাইছে।
ডিচেম্বৰ মাহত মহিলাগৰাকীয়ে এই ভিডিঅʼটো মুকলি কৰিছিল। শেহতীয়াকৈ ভাইৰেল হৈ পৰিছে পুৰণি ভিডিঅʼটো। ভিডিঅʼটোৰ ওপৰত বহুতে মন্তব্য কৰিছে। কৃত্ৰিম বুদ্ধিমত্তাৰে এই প্ৰযুক্তিৰ বাবে প্ৰশংসাৰে ভৰি পৰিছে। প্ৰযুক্তিৰ এই আয়ত্তক লৈ বহুতে আচৰিত হোৱাৰ লগতে আশংকাও প্ৰকাশ কৰিছে।
ইলন মাস্কৰ কোম্পানী OpenAI-এ নৱেম্বৰ মাহত ChatGPT আৰম্ভ কৰিছিল। কেইমাহমানৰ ভিতৰতে ই অপৰিসীম জনপ্ৰিয়তা লাভ কৰে। মৌলিক ৰচনা, কবিতা, গীতৰ পৰা আৰম্ভ কৰি ব্যৱহাৰকাৰীৰ যিকোনো প্ৰয়োজনীয়তালৈকে, ChatGPT-এ ইয়াক পূৰণ কৰিব পাৰে। মানুহৰ দৰে তেওঁলোকে মেছেজৰ জৰিয়তে অনলাইন আড্ডাও দিব পাৰে। লাখ লাখ লোকে এই প্ৰযুক্তি ব্যৱহাৰ কৰি আছে।
