বুধবাৰে নিশা ওড়িশা (Odisha)ৰ পুৰী (Puri)ৰ জগন্নাথ মন্দিৰ (Jagannath Temple) সংলগ্ন শ্বপিং মলত (Shopping Mall) ভয়ংকৰ অগ্নিকাণ্ড (Fire) সংঘটিত হয়। বুধবাৰে নিশা প্ৰায় ৮ বজাত পুৰীৰ লক্ষ্মী মাৰ্কেট শ্বপিং কমপ্লেক্সৰ তলৰ মহলাত থকা এখন কাপোৰৰ দোকানত প্ৰথমে এই অগ্নিকাণ্ড সংঘটিত হয়। পিছত জুই দ্ৰুতগতিত বিয়পি পৰে। সূত্ৰ অনুসৰি জুই, নিয়ন্ত্ৰণৰ বাবে ১২ খন অগ্নিনিৰ্বাপক বাহিনীৰ গাড়ী আৰু প্ৰায় ১৫০ জন অগ্নিনিৰ্বাপক বাহিনীৰ লোক সেই স্থানত মোতায়েন কৰা হয়।
অগ্নিকাণ্ডত ৩ জন লোক আহত (3 persons Injured) হয়। জানিব পৰা মতে, অগ্নিকাণ্ডৰ সময়ত বহু পৰ্যটক তাত উপস্থিত আছিল। প্ৰায় ১৪০ জন লোকক উদ্ধাৰ কৰা হৈছে। জুই আৰু ধোঁৱাৰ ফলত অসুস্থ হোৱা লোকসকলক চিকিৎসালয়লৈ লৈ যোৱা হয়। ৪০ খনতকৈও অধিক দোকান জ্বলি ছাই হৈ পৰিছে।
খবৰ অনুসৰি, বজাৰৰ গাতে লাগি থকা এখন হোটেলত এই অগ্নিকাণ্ড বিয়পি পৰে। পৰ্যটকসকলক নিৰাপদে উলিয়াই অনা হয় অঞ্চলটোৰ পৰা। অগ্নিকাণ্ডৰ ফলত অঞ্চলটোত আতংক বিয়পি পৰে। অৱশ্যে পৰিস্থিতি নিয়ন্ত্ৰণ কৰে প্ৰশাসনে। অগ্নিকাণ্ডৰ কাৰণ এতিয়াও স্পষ্ট হোৱা নাই। শ্বৰ্ট চাৰ্কিটৰ পৰা এই অগ্নিকাণ্ড সংঘটিত হোৱাৰ সন্দেহ।
