স্বামী দুবছৰৰ আগতে মৃত্যু হ’ল যদিও এতিয়াও সুন্দৰকৈ সজাই থৈছে স্বামীৰ বিছনাখন। সেই স্বামীৰ অস্থি হৰিদ্বাৰত বিসৰ্জন দিয়াৰ মানসেৰে ২৪ ফেব্ৰুৱাৰীত নুমলীগড় (Numaligarh)ৰ জ্যোতিমালা গগৈ চৌধুৰী (Jyotimala Gogoi Choudhury) দিল্লী (to Delhi)লৈ গৈছিল। দিল্লীস্থিত জী-জোৱাইৰ ঘৰত থাকি ফুৰা চকাৰো চিন্তা কৰিছিল।জী-জোৱায়ে হৰিদ্বাৰত অস্থিও বিসৰ্জন দিলে। কিন্তু শনিবাৰে জী-জোঁৱাইৰ লগতে নিজেও প্ৰাণ হেৰুৱালে জ্যোতিমালা গগৈ চৌধুৰীয়ে।
দিল্লীৰ পৰা জোঁৱায়েকৰ গাড়ীৰে গৈ থকা অৱস্থাত ৰাজস্থানৰ আলৱাৰত নুমলীগড় নিবাসী জ্যোতিমালা গগৈ চৌধুৰীকে ধৰি তিনিজনৰ শোকাবহ দুৰ্ঘটনাত মৃত্যু (Death in accident) হ’ল। নুমলীগড় নিবাসী বিহৰা বজাৰ প্ৰাথমিক বিদ্যালয়ৰ অৱসৰপ্ৰাপ্ত শিক্ষয়িত্ৰী জ্যোতিমালা চৌধুৰী (৭৫)ৰ লগতে জীয়াৰী মনমী চৌধুৰী বৰা (৪২) আৰু জোঁৱাই অৰ্ণৱ বৰা (৪৫)ৰ ৰাজস্থানৰ আলৱাৰ (Rajasthan’s Alwar)ত কালি এক শোকাবহ গাড়ী দুৰ্ঘটনা (Car Accident)ত থিতাতে মৃত্যু (spot Death) হয়।
শনিবাৰে পুৱা ৰাজস্থানৰ আলৱাৰত ফুৰিবলৈ বুলি জোৱাইৰ এ এচ ০১ ই ২৭৯১ নম্বৰৰ গাড়ীত গৈ থকা অৱস্থাতে এখন ট্ৰেইলাৰত খুন্দা মাৰি তেওঁলোকৰ গাড়ীখন ভয়াবহ দুৰ্ঘটনাত পতিত হয় আৰু তিনিওজনৰে শোকাবহ মৃত্যু হয়। গাড়ীখনত তিনিওজনৰ লগতে চৌধুৰীৰ নাতি তথা অৰ্ণৱ বৰা আৰু মনমী চৌধুৰী বৰাৰ পাঁচ বছৰীয়া সন্তান আৰিভ বৰা (Ariv Bora, a five-year-old child)ও আছিল।
দুৰ্ঘটনাটোত পুত্ৰ আৰিভ গুৰুতৰভাৱে আঘাতপ্ৰাপ্ত হয় আৰু জীৱিত অৱস্থাত উদ্ধাৰ হৈছে বুলি জানিব পৰা গৈছে। আজি পোৱা খবৰ মতে আৰিভক উন্নত চিকিৎসাৰ বাবে ৰাজস্থানৰ ৰেণী হস্পিতেলৰ পৰা দিল্লীলৈ প্ৰেৰণ কৰা হৈছে। ইফালে দুৰ্ঘটনাত নিহত তিনিওজনকে ৰেণী হস্পিটেলত মৰণোত্তৰ পৰীক্ষা সম্পন্ন কৰি দিল্লীত থকা জী-জোঁৱাইৰ বাসগৃহলৈ নিয়া হয় আৰু আজি বিয়লি তাতেই শেষকৃত সম্পন্ন কৰা হ’য়।
জোঁৱাই অৰ্ণৱ বৰা দিল্লীৰ এটি কোম্পানীত কৰ্মৰত আছিল আৰু দুৰ্ঘটনা সংঘটিত হোৱাৰ সময়ত গাড়ীখন তেওঁ নিজে চলাইছিল বুলি জানিব পৰা গৈছে।শনিবাৰে দিনৰ ডেৰ বজা পৰ্যন্ত তেখতে নুমলীগড়ৰ আত্মিয়ৰ সৈতে ফোনত যোগাযোগ ৰাখিছিল ।ঘৰত ফুলি থকা কপৌ ফুলৰ ভিডিঅ’ আৰু ফটো বিচাৰিছিল।
সযতনে ৰোৱা ফুলৰ টাববোৰৰ যত্ন লোৱাৰ পৰামৰ্শ দিছিল। ইতিমধ্যে অৰ্ণৱ বৰাৰ পিতৃ মাতৃৰ লগতে আত্মীয় লোক, জ্যোতিমালা গগৈৰ পুত্ৰ দিল্লীত উপস্থিত হৈছেগৈ।ইফালে এই দুৰ্ঘটনাত ভাগ্য ক্ৰমে ৰক্ষা পোৱা কণমানি অৰিভ এতিয়াও সংকতমুক্ত নহয়।অৰিভৰ আচৰণে এতিয়া বেদনাৰ নৈ বোঁবাইছে আত্মীয়ৰ মাজত।
