চীনে (China) গৃহমন্ত্ৰী অমিত শ্বাহ (Home Minister Amit Shah)ৰ অৰুণাচল প্ৰদেশ ভ্ৰমণ (Visit to Arunachal Pradesh)ৰ তীব্ৰ বিৰোধিতা (Strong opposition) কৰি কৈছে যে অঞ্চলটোত তেওঁৰ কাৰ্যকলাপক বেইজিঙৰ আঞ্চলিক সাৰ্বভৌমত্ব উলংঘন বুলি বিবেচনা কৰে। চীনৰ বৈদেশিক মন্ত্ৰালয়ৰ এজন মুখপাত্ৰই সোমবাৰে সংবাদ মাধ্যমৰ আগত এই কথা কয়।
উল্লেখ্য, বিগত সপ্তাহত চীনে অৰুণাচল প্ৰদেশৰ কিছুমান ঠাইৰ নাম “পুনৰ নামকৰণ” কৰি সেইবোৰ চীনৰ ভূখণ্ডৰ অংশ হিচাপে দাবী কৰিছিল।
গৃহমন্ত্ৰী অমিত শ্বাহৰ ভ্ৰমণসন্দৰ্ভত এক প্ৰশ্নৰ উত্তৰত মুখপাত্ৰ ৱাং ৱেনবিনে কয়, “জাংনান চীনৰ ভূখণ্ড।
ভাৰতীয় নেতাজনৰ জাংনান ভ্ৰমণে চীনৰ আঞ্চলিক সাৰ্বভৌমত্ব উলংঘা কৰে আৰু সীমান্ত পৰিস্থিতিৰ শান্তি আৰু শৃংখলাৰ বাবে অনুকূল নহয়।”
উল্লেখযোগ্য যে অমিত শ্বাহে ১০ আৰু ১১ এপ্ৰিলত অৰুণাচল প্ৰদেশ ভ্ৰমণ কৰিব। তাত তেওঁ ভাৰত-চীন সীমান্তৰ এখন গাঁও কিবিথুত ‘ভাইব্ৰেণ্ট ভিলেজ প্ৰ’গ্ৰাম’ আৰম্ভ কৰিব।
উল্লেখ্য যে ভাৰতে এইটো কথা সদায়ে সজোৰে কৈ আহিছে যে অৰুণাচল প্ৰদেশ দেশখনৰ এক অপৰিহাৰ্য অংশ আৰু চীনে নিজৰ উদ্ভাৱনীমূলক নাম দিলেই পূৰ্বৰৰ বাস্তৱিকতা সলনি নহয়।
