আজি সকলোকে শোক সাগৰত পেলাই থৈ ইহলীলা সম্বৰণ কৰে ডিফু (Diphu) চহৰৰ সকলোৰে প্ৰিয় সৰবৰহী ব্যক্তি গৌতম তেৰাঙে (Gautam Terang) ৷ আজি নিশা গৌতম তেৰাঙৰ দেহাৱসান ঘটে ৷ গৌতম তেৰাঙৰ আকষ্মিক মৃত্যুৰ খবৰ লাভ কৰি গুণমুগ্ধ আৰৱ শুভাকাংখী সকল শোকত ম্ৰিয়মান হৈ পৰে ৷
গৌতম তেৰাঙ বিভিন্ন সমাজ কৰ্মৰ লগত জড়িত থকাৰ লগতে ডিফু নগৰ সমিতিৰ প্ৰাক্তন অধ্যক্ষ, ক্ৰীড়া সংগঠক, কাৰবি আংলং জিলা ক্ৰীড়া সন্থাৰ প্ৰাক্তন সাধাৰণ সম্পাদক আৰু উপসভাপতিৰ পদ অলংকৃত কৰিছিল বুলি জানিব পৰা গৈছে ৷
তেওঁৰ মৃত্যুৰ খবৰ লাভ কৰি জিলাখনৰ ৰাজনৈতিক অৰাজনৈতিক দল-সংগঠনৰ নেতা-কৰ্মী সকলে প্ৰয়াত গৌতম তেৰৈঙৰ বিদেহী আত্মাৰ সদ্গতি কামনা কৰাৰ লগতে শোক সন্তপ্ত পৰিয়াল বৰ্গলৈ সমবেদনা জ্ঞাপন কৰিছে ৷
