মঙলবাৰে ভাৰতৰ নিৰ্বাচন আয়োগে অসমৰ সমষ্টি (ECI publishes draft delimitation proposal) বিলুপ্তিকৰণকলৈ প্ৰকাশ কৰা খচৰা তালিকাৰ পিছত আজি ডিফু (Diphu)ত উপস্থিত ৰাজ্যৰ কেবিনেট মন্ত্ৰী পিযুষ হাজৰিকাই (Minister Pijush Hazarika) প্ৰথমবাৰৰ বাবে প্ৰতিক্ৰিয়া প্ৰকাশ কৰিছে ৷
সংবাদ মাধ্যমৰ সৈতে হোৱা বাৰ্তালাপত মন্ত্ৰী পিযুষ হাজৰিকাই কয় যে, তেওঁ সমষ্টি বিলুপ্তিকৰণৰ খছৰাখন ভালদৰে পঢ়া নাই যদিও এই সমষ্টি বিলুপ্তি কৰণে অসমৰ খিলঞ্জীয়া ৰাইজৰ স্বাৰ্থ সুৰক্ষিত কৰিব৷ কাৰবি আংলং, গুৱাহাটী, কোকৰাঝাৰ, ধেমাজী, লক্ষীমপুৰ, তিনিচুকীয়াত এটাকৈ আসন বৃদ্ধি পোৱা কাৰ্য অসমক ভালপোৱাসকল আৰু শ-শ বছৰ ধৰি বসবাস কৰা খিলঞ্জীয়াসকলৰ ৰাজনৈতিক স্বাৰ্থ সুৰক্ষিত হোৱাটো বুজায়৷
কাৰবি আংলং আৰু বিটিচিত এটাকৈ আসন বৃদ্ধি পোৱা মানে ট্ৰাইবেল সকলৰ স্বাৰ্খ সুৰক্ষিত হোৱা, গুৱাহাটী, তিনিচুকীয়া, ধেমাজী আৰু লক্ষীমপুৰত আসন বৃদ্ধি পোৱা মানে আহোমসকলৰ স্বাৰ্থ সুনিশ্চিত হোৱা৷
ডিলিমিটেশ্যন প্ৰক্ৰিয়াটো ভাৰতৰ নিৰ্বাচন আয়োগে কাৰিকৰী দিশসমূহ চালি জাৰি চাইহে কৰিছে, তেনেক্ষেত্ৰত নিৰ্বাচন আয়োগৰ ওপৰত মন্তব্য কৰিব নোৱাৰি৷ কংগ্ৰেছে বিষয়টো বিচৰাধীন বুলি কৈ নিজকে ডাঙৰ উকিল বুলি জাহিৰ কৰিব খুজিছে নেকি বুলি প্ৰশ্ন কৰে৷
মন্ত্ৰীগৰাকীয়ে কাৰো নাম নধৰাকৈ কয় যে, একাংশ অসমক ভাল নোপোৱা নতুন আৰু আধুনিক বদনে সমষ্টি বিলুপ্তিকৰণৰ বিৰোধিতা কৰাৰ লগতে ন্যায়ালয়ত গোচৰ তৰিছে ৷ নিৰ্বাচন আয়োগে নিশ্চয় সকলো দিশ ভালদৰে চাইহে এই খছৰা প্ৰকাশ কৰিছে গতিকে বিষয়টো বিচৰাধীন হ’লেও ডিলিমেটেশ্যন ওপৰত প্ৰভাৱ নপৰে বুলি মন্তব্য কৰে ৷
আনহাতে কংগ্ৰেছ দলক কটাক্ষ কৰি মন্ত্ৰীগৰাকীয়ে কয় যে, কংগ্ৰেছ আধুনিক বদনসকলৰ লগত লগ লাগি ডিলিমিটেশ্যন প্ৰক্ৰিয়াৰ বিৰোধিতা কৰিছে সেয়ে কংগ্ৰেছ দলো আধুনিক বদন সকলৰ দৰে সমান বদন৷
