ASSAM TIMES POST
খেৰণি: ভাৰতীয় সেনা বাহিনীৰ ৰেড হৰ্ণ ডিভিজনৰ উদ্যোগত পশ্চিম কাৰ্বি আংলঙৰ বৃহত্তৰ খেৰণিত স্বচ্ছ ভাৰত-প্লাষ্টিকমুক্ত অভিযান ৰূপায়ন। বন্দুক এৰি হাতে হাতে ঝাড়ু আদি লৈ খেৰণি দৈনিক বজাৰৰ বিভিন্ন স্থানত থকা জাৱৰ জোথৰ পৰিস্কাৰ কৰি সেনা বাহিনীৰ জোৱানে ৰূপায়ন কৰিলে এই চাফাই অভিযান।
অভিযানত অংশ ললে বৃহত্তৰ খেৰণি অঞ্চলৰ বিদ্যালয়ৰ ছাত্ৰ-ছাত্ৰীৰ লগতে স্থানীয় পুৰুষ মহিলায়েও। আনকি এই অভিযানত কাৰ্বি পৰিষদৰ পৰিষদীয় আমৰেং সমষ্টিৰ জনপ্ৰতিনিধি ৰিণা তেৰাংপিয়েই হাতত ঝাড়ু লৈ সেনা বাহিনীক সহায়ৰ হাত আগবঢ়োৱাৰ লগতে সেনা বাহিনীৰ এনে পদক্ষেপৰ শলাগ লয় জনপ্ৰতিনিধিগৰাকীয়ে।
উল্লেখযোগ্য যে স্বচ্ছ ভাৰত অভিযান ৰূপায়ণৰ সমান্তৰালকৈ ভাৰতীয় সেনা বাহিনীৰ দলটোয়ে পশ্চিম কাৰ্বি আংলঙৰ বৃহত্তৰ খেৰণি অঞ্চলটোক এখন প্লাষ্টিকমুক্ত অঞ্চল হিচাপে গঢ় দিবলৈও অঞ্চলবাসীক আহ্বান জনায়।
