ASSAM TIMES POST
ডিফু : চতুৰ্থদশ বিত্তীয় আয়োগৰ ধনেৰে অসম সাহিত্য সভাৰ প্ৰাক্তন সভাপতি পদ্মশ্ৰী ৰংবং তেৰাঙৰ বাসগৃহ চৌহদত এটা পুথিভঁৰাল নিৰ্মাণৰ বাবে ব্যৱস্থা গ্ৰহণ কৰিছে কাৰবি আংলং স্বায়ত্ত শাসিত কৰ্তৃপক্ষই ৷
বিশিষ্ট সাহিত্যিক গৰাকীৰ ডিফুস্থিত বাস ভৱনত আজি পুৱা পুথিভঁড়ালটিৰ আধাৰশিলা স্থাপন কৰে কাৰবি আংলং স্বায়ত্ত শাসিত পৰিষদৰ মুখ্যকাৰ্যবাহী সদস্য তুলিৰাম ৰংহাঙে ৷ আধাৰশিলা স্থাপন কৰি প্ৰদান কৰা ভাষণত মুখ্যকাৰ্যবাহী সদস্য গৰাকীয়ে অনাগত দিনত এই পুথি ভঁড়ালটোৱে সমাজৰ সকলো শ্ৰেণীৰ লোককে গ্ৰন্থ অধ্যয়ণৰ ক্ষেত্ৰত উপকৃত কৰিব বুলি আশা ব্যক্ত কৰে ৷ উক্ত অনুষ্ঠানত কাৰবি আংলং স্বায়ত্ত শাসিত পৰিষদৰ কাৰ্যবাহী সদস্য অমৰছিং তিছ’ ৰূপছিং টেৰণ, পৰিষদীয় সদস্য ৰিচাৰ্ড টকবী ৰামছিং তিমুঙ আদি উপস্থিত থাকে ৷
