ASSAM TIMES POST
পশ্চিম কাৰ্বি আংলংঃ কাৰ্বি পাহাৰত নাগৰিকত্ব সংশোধনী বিধেয়কৰ বিৰুদ্ধে এইবাৰ জাঙুৰ খাই উঠিছে কাৰ্বি ৰাজদৰ্বাৰ । তীব্ৰ আন্দোলন গঢ়ি তোলাৰ হুংকাৰ কাৰ্বি ৰাজদৰ্বাৰৰ ।জাতিধ্বংশী নাগৰিকত্ব সংশোধনী আইনৰ বিৰুদ্ধে চৌদিশে উত্তাল প্ৰতিবাদ অব্যাহত থকাৰ সময়তে পাৰ্বত্য জিলা পশ্চিম কাৰ্বি আংলঙত শেহতীয়াকৈ ওলাই আহিছে “কাৰ্বি ছেৰহংথম আমেই ” অৰ্থাৎ কাৰ্বি ৰাজ দৰ্বাৰ ।
এই সন্দৰ্ভত আজি কাৰ্বি ৰাজদৰ্বাৰৰ বিষয়ববীয়া সকলে বৈঠালাংছ’ত এক সংবাদ মেল আহ্বান কৰে । বৈঠালাংছ’ স্থিত ছাৰ হাবে হংফাৰলা ভৱনত আহ্বান কৰা উক্ত সংবাদমেলত উপদেষ্টা ধনীৰাম ইংলং, সভাপতি মনছিং মিলিক,সম্পাদক হনছিং টেৰন লগতে বহু কেইজন বিষয় ববীয়াও উপস্থিত থাকে ।সংবাদমেল সম্বোধন কৰি উপদেষ্টা ধনীৰাম ইংলেঙে জাতিধ্বংশী নাগৰিকত্ব সংশোধনী আইনখনৰ সম্পুৰ্ণ বিৰুদ্ধিতা কৰি কয় যে,”উত্তৰ পূৰ্বাঞ্চলৰ পাহাৰীয়া ৰাজ্য আৰু ষষ্ঠ অনুসুচিত স্বায়ত্ব শাসিত এলেকাত CAB প্ৰযোজ্য নহয় বুলি কেন্দ্ৰীয় চৰকাৰে সদৰি কৰিছে যদিও আমি সহজে পতিয়ন গৈ নিচুপ হৈ থাকিব নোৱাৰো ,কাৰন এইখন চৰকাৰে কয় এটা আৰু কৰে এটা ।এই আইনখন গৃহিত হ’লে সমগ্ৰ দেশৰ লগতে খিলঞ্জীয়া কাৰ্বি জাতিটোৰ মাটি,ভেটি,কৃষ্টি-সংস্কৃতি ৰ প্ৰতি ভাবুকি আহিব ।সেয়ে জাতিটো সুৰক্ষিত কৰ ৰখাৰ স্বাৰ্থত কাৰ্বি ৰাজ দৰ্বাৰে জাগ্ৰত প্ৰহৰীৰ দৰে থিয় হৈ থাকিব ।
অসমৰ আছু, NESO, কৃষক মুক্তি সংগ্ৰাম সমিতিকে ধৰি উত্তৰ পূৰ্বাঞ্চলৰ মুঠ ৩০টা জাতীয় সংগঠনে একত্ৰিত হৈ CABৰ বিৰুদ্ধে যি জোৰদাৰ প্ৰতিবাদ অব্যাহত ৰাখিছে তাক সংবাদ মেলতে ৰাজদৰ্বাৰৰ সকলোয়ে একমোখে আদৰনী জনায় । লগতে প্ৰয়োজন হলে কাৰ্বি ৰাজদৰ্বাৰে তীব্ৰ আন্দোলন গঢ়ি তুলিব বুলিও হুংকাৰ প্ৰদান কৰে । তাৰোপৰি কৰ্বিআংলং আৰু দিমাহাচাওত বসবাস কৰা সকলো খিলঞ্জীয়াক নিজৰ জাতি,মাটি,ভেটি সুৰক্ষিত কৰি ঐক্য শান্তি সম্প্ৰীতিৰে সহবাস কৰাৰ উদ্দেশ্যে সকলোকে জাগ্ৰত হৈ ৰাজপথলৈ ওলাই আহিবলৈ আহ্বান জনায় ।
