ASSAM TIMES POST
বোকাখাত : অসম জ্যেষ্ঠ নাগৰিক সন্মিলনৰ বোকাখাত শাখাৰ এক জৰুৰী বৈঠকত ইতিমধ্যে আইনত পৰিণত হোৱা নাগৰিকত্ব সংশোধনী আইন২০১৯ ৰ তীব্ৰ বিৰোধিতা কৰি ভাৰতৰ ৰাষ্ট্ৰপতিলৈ এক স্মাৰক পত্ৰ প্ৰেৰণ কৰিছে।
স্মাৰক পত্ৰ খনত এই আইনৰ সুযোগ লৈ বিদেশী লোকে ভাৰতত বৈধ নাগৰিকত্ব পাব আৰু ই বিশেষকৈ অসমৰ ভাষা সংস্কৃতিৰ লগতে জাতিটোৰ অস্তিত্বৰ প্ৰতি প্ৰত্যাহ্বান আনিব বুলি উল্লেখ কৰি এই আইন বাতিল কৰাৰ লগতে অসমত ইনাৰ লাইন পাৰ্মিটৰ ব্যৱস্থা কৰি খিলঞ্জীয়া অসমীয়া লোকৰ স্বাৰ্থৰ অনুকুলে পৰবৰ্তী পদক্ষেপ লবলৈ দাবী জনোৱা হৈছে।
সন্মিলনৰ বোকাখাত শাখাৰ সভাপতি চৈয়দ আনিচুৰ ৰহমান, কাৰ্যকৰী সভাপতি হৰিপ্ৰসাদ বৰঠাকুৰ, আৰু সম্পাদক প্ৰদীপ খাউণ্ডে স্বাক্ষৰ কৰা স্মাৰক পত্ৰ খনি ভাৰতৰ ৰাষ্ট্ৰপতিলৈ ইতিমধ্যে প্ৰেৰণ কৰিছে ।
