সোমবাৰে পুৱা ১১ বাজি ৩০ মিনটিত ৫০ সংখ্যক কাৰবি যুৱ মহোৎসৱৰ (Karbi Youth Festival) পূৰ্বে যান-বাহন চলাচলক লৈ জিলা প্ৰশাসন আৰক্ষী প্ৰশাসনে ডিফুত সংবাদে মেল যোগে ৰোড মেপ প্ৰকাশ কৰে৷
কাৰ্বি যুৱ মহোৎসৱৰ ১৭ জানুৱাৰীৰ কাৰ্যসূচীত অংশ ল’ব ৰাষ্ট্ৰপতি দ্ৰৌপদী মুৰ্মূয়ে (President Draupadi Murmu)।
প্ৰায় ৬০ হাজাৰ লোক উপস্থিত থাকিব ৰাষ্ট্ৰপতিৰ কাৰ্যসূচীত। সেই সময়ত হ’বলগীয়া যানজঁট নিয়ন্ত্ৰণৰ (Traffic control) বাবে কাৰ্বি আংলং জিলা প্ৰশাসনে জাৰি কৰিছে পথ নিৰ্দেশনা।
পশ্চিম কাৰ্বি আংলঙৰ পৰা লামডিং পথেৰে আহিব লগা বাছসমূহ ডিফু PWD তিনি আলি হৈ থানা ৰোড, Govt Collage, DAV School, ৰংমনজিৰ হৈ তাৰালাংছ’ৰ ৬ আৰু ৭ নং প্ৰৱেশ পথত যাত্ৰী নমাই গাড়ীসমূহ ডিছামাত পাৰ্কিং কৰিব লাগিব।
একেদৰে ধনশিৰি আৰু ডিফু চহৰৰ পৰা মহোৎসৱলৈ যাব লগা বাছসমূহ ৰংখেলান পৰ্যন্ত গৈ বাওঁ দিশেৰে প্ৰৱেশ কৰি ৫ আৰু ৬ নং প্ৰৱেশ পথত যাত্ৰী নমাই ডিছামাত পাৰ্কিং কৰিব লাগিব।
আনহাতে হাওৰাঘাট, লাংফেৰ, ফুলনি, লাংহিন, কৰকাণ্ঠি, বৰজান, বোকাজান, দুৱাৰ বাগৰি আদি অঞ্চলৰ পৰা ডিফু-মাঞ্জা পথেৰে আহিবলগীয়া বাছসমূহ বিৰলাৰ দিশৰ প্ৰৱেশ পথেৰে মহোৎসৱ থলীত প্ৰৱেশ কৰিব।
VIP, চৰকাৰী বাহন, MLA, MAC সকলৰ বাহন মহোৎসৱথলীৰ মূল প্ৰৱেশ পথ পৰ্যন্ত গৈ সোঁদিশত থকা স্থানত পাৰ্কিং কৰিব লাগিব।
ৰাষ্ট্ৰপতিৰ উপস্থিতিৰ সময়ত মহোৎসৱথলীৰ 3A, 4 আৰু 4 A প্ৰৱেশ পথ সম্পূৰ্ণৰূপে বন্ধ থাকিব।
1, 2, 3, 5 আৰু 6 নং প্ৰৱেশ পথেৰে সাধাৰণ লোকে মহোৎসৱথলীত প্ৰৱেশ কৰিব পাৰিব। হেলিপেড, বজাৰ এলেকা, বন বিভাগৰ পৰিদৰ্শন বাংলো, জনগোষ্ঠীয় গাঁও আৰু ৰং আৰাক আটুৰ এলেকাত সাধাৰণ লোকৰ প্ৰৱেশ নিষিদ্ধ থাকিব।
