উত্তৰ-পূৰ্বাঞ্চলৰ কলা-সংস্কৃতিৰ ওপৰত কেন্দ্ৰ কৰি পিকেএছ বোলছবি প্ৰডাকচনৰ বেনাৰত নিৰ্মাণ কৰা হ’ব এখন ছবি “বিহু এটেক”। শেহতীয়াকৈ ছবিখনত মুখ্য চৰিত্ৰ ৰূপায়িত অভিনেতা দেৱ মেনেৰিয়াৰ উপস্থিতিত ডিফ আৰবৰেটাম কাম ক্ৰাফ্ট চেণ্টাৰত ছবিখনৰ মহুৰত সম্পন্ন হয়।
পাকিস্তানৰ উগ্ৰপন্থী আজহাৰ মেহমুদে অসমত অস্ত্ৰ-শস্ত্ৰৰ ব্যৱসায় তথা চীন আৰু বৰ্মাৰ সহায়ত কেনেদৰে অসমৰ বিহুত কৰা আক্ৰমণক লৈ নিৰ্মিত “বিহু এটেক” ত দেৱ মেনেৰিয়াই মেজৰ ৰাজ কোঁৱৰৰ চৰিত্ৰত সেনা ৰূপে কেনেদৰে আজহাৰ মেহমুদৰ পৰিকল্পনা প্ৰতিহত কৰে তাক উপস্থাপন কৰা হ’ব।
অসমৰ গুৱাহাটী, হোজাই ডিফুত চলিবলগীয়া “বিহু এটেক” ৰ শ্বুটিঙত স্থানীয় শিল্পী সকলক অগ্ৰাধিকাৰ দিয়া হ’ব বুলি জানিব পৰা গৈছে। উল্লেখ্য যে, অসমীয়াৰ লগতে কাৰ্বি লোক, কলা-কৃষ্টি সংস্কৃতিৰ ওপৰত গুৰুত্ব প্ৰদান কৰা হ’ব। ইয়াত কেইবাগৰাকীও নামজ্বলা অভিনেতা-অভিনেত্ৰীৰ লগতে বলীউডৰ প্ৰাচী দেশাই,আৰবাজখান, যুক্তি কাপুৰ,ৰাজ বব্বৰ আৰু ৰাজা মোৰাদৰ দৰে অভিনেতাকো দেখিবলৈ পোৱা যাব। সংগীতৰ ক্ষেত্ৰত থাকিব ছনু নিগম, শ্বাহিদ মাল্লিয়া আৰু জুবিন গাৰ্গ।
