বুধবাৰে সন্ধিয়া ৬ বাজি ৩০ মিনিটতত লাহৰিজানত সন্দেহযুক্ত হেৰ’ইন উদ্ধাৰ (Heroin recovered in Lahorijan)। লগতে এজন যুৱক আটক (A youth arrested) কৰা হৈছে৷ অসম নাগালেণ্ড সীমান্তৰ কাৰবি আংলং জিলাৰ লাহৰিজানত সন্দেহযুক্ত ড্ৰাগছৰ বিৰুদ্ধে আৰক্ষীয়ে ধাৰাবাহিক অভিযান চলাই পুনৰ লাভ কৰিছে আন এক সফলতা৷ লাহৰিজানত খটখটী আৰক্ষীৰ নাকা তালাচীত ডিফুৰ পানবাৰী নিৱাসী ছফিকুল ইছলামৰ পুত্ৰ মণিৰুল ইছলামৰ (Manirul Islam) পৰা আৰক্ষীয়ে এটা চাবোনৰ বাকচত লুকুৱাই অনা অৱস্থাত ১০.৩১ গ্ৰাম সন্দেহজনক হেৰ’ইন উদ্ধাৰ (10.31 grams of heroin recovered) কৰিবলৈ সক্ষম হয় ৷ তালাচী কালত ধৃত মণিৰুল ইছলাম ডিমাপুৰৰ পৰা লাহৰিজান দিশে খোজকাঢ়ি আহি আছিল৷
উল্লেখযোগ্য যে, যোৱা কিছুদিন পূৰ্বে ডিফুৰ ছৰছৰিত আব্দুল খালেকক ড্ৰাগছ মজুত ৰখাৰ বাবে আৰক্ষীয়ে আটক কৰি জেললৈ পঠিয়াইছিল ৷ আনহাতে ডিফু ইছলামিক সমাজ সংস্কাৰক সমিতিয়েও কঠোৰ সিদ্ধান্ত গ্ৰহণ কৰি খালেক আৰু তেওঁৰ পৰিয়ালক সামাজিক ভাবে বৰ্জন কৰিছিল৷ আজি খটখটী আৰক্ষীৰ হাতত ড্ৰাগছ সহ ডিফু পানবাৰীৰ মণিৰুল ইছলাম আটক হোৱাৰ পিছত ডিফু মুছলিম সমাজে কেনে ব্যৱস্থা গ্ৰহণ কৰিব সেয়া লক্ষ্যণীয় হৈ পৰিছে ৷ জানিব পৰা মতে খটখটী থানাৰ এছ আই দ্বয় দীপক লাহন আৰু স্বমধন স্বৰ্গীয়াৰীৰ নেতৃত্বত এএছ আই বিমান চেতিয়া আৰু থানা ষ্টাফৰ চলিছিল নাকা তালাচী৷ এই সন্দৰ্ভত আৰক্ষীয়ে অধিক তথ্যৰ বাবে তদন্ত অব্যাহত ৰখা বুলি জানিব পৰা গৈছে৷
