বৃহস্পতিবাৰে দিনৰ ২ বাজি ২০ মিনিটত লাহৰিজানত আৰক্ষী (Police in Lahorijan)ৰ অভিযান এগৰাকী মহিলাৰ পৰা প্ৰায় ১ কোটি চল্লিছ লাখ টকাৰ সন্দেহযুক্ত হেৰইন উদ্ধাৰ (Recovery of heroin from woman) কৰিবলৈ সক্ষম হয় ৷
এক গোপন খবৰৰ ভিত্তিত লাহৰিজানৰ হনুমান মন্দিৰৰ কাষৰ যাদৱ হোটেল বহি থকা অৱস্থাত বোকাজান দুমুখুয়াৰ ফৰিদা খাতুন (Farida Khatun of Bokajan Dumukhua) (৩৪) নামৰ মহিলাৰ দেহত তালাচী চলাই হেৰইনখিনি উদ্ধাৰ কৰিবলৈ সক্ষম হয় ৷ হেৰইনখিনি ১২ টা চাবোনৰ বাকচত কঢ়িয়াই আনিছিল ৷ হেৰইনখিনিৰ ওজন ২০৬’৮৮ গ্ৰাম (Heroin weighs 206.88 grams) ৷ আনহাতে হেৰইনখিনিৰ বজাৰ মূল্য প্ৰায় ১ কোটি ৪০ লাখ টকা (Market value of the heroin is around Rs 1.4 crore) হ’ব বুলি অনুমান কৰা হৈছে৷
উদ্ধাৰ হোৱা হেৰইনখিনি বোকাজান মহকুমা আৰক্ষী বিষয়া ৰুস্তমৰাজ ব্ৰক্ষ্ম আৰু নিৰপেক্ষ সাক্ষীগণৰ সাক্ষাতে জব্দ কৰি বিএনএছএছ আৰু এনডিপিএছ এক্টত আৰক্ষীয়ে তদন্ত অব্যাহত ৰাখিছে বুলি জানিব পৰা গৈছে৷ তালাচী অভিযানটোৰ নেতৃত্ব দিছিল খটখটী থানাৰ অ’ চি নিতুল শইকীয়াই৷ তেওঁক সহযোগ কৰিছিল ক্ৰমে,এছআই বিমান চেতিয়া, এএছআই পংকজ শইকীয়া আৰু থানা ষ্টাফে৷
