শনিবাৰে বিয়লি প্ৰায় তিনিবজাত খটখটীত আৰক্ষীৰ তালাচী অভিযানত ৰোগী কঢ়িওৱা এম্বুলেঞ্চ সেৱাৰ বাহন (Ambulance Service Vehicle)ৰ পৰা উদ্ধাৰ হয় প্ৰায় ২ কোটিতকৈও অধিক টকা মূল্যৰ সন্দেহজনক হেৰইন (Heroin worth more than Rs 2 crore)৷
প্ৰাপ্ত খবৰ অনুসৰি আজি বিয়লি প্ৰায় তিনিবজাত বোকাজান মহকুমা আৰক্ষী বিষয়া ৰুস্তমৰাজ ব্ৰক্ষ্মৰ নেতৃত্বত খটখটী থানাৰ অচি নিতুল শইকীয়া আৰু থানা ষ্টাফৰ সহযোগত খটখটী এছবিআই বেংকৰ সন্মূখত নিয়মীয়া নাকা তালাচী স্থাপন কৰা হয় ৷ তালাচী কালত মণিপুৰৰ পৰা গুৱাহাটী অভিমুখে গৈ থকা MN 06 LX 1916 নম্বৰৰ ইক’ ভেন এম্বুলেঞ্চত অভিযান চলোৱা হয়৷
তালাচীত এম্বুলেঞ্চখনৰ বনেটত কৌশলগতভাবে লুকুৱাই অনা ২৩ টা চাবোনৰ বাকচ (23 boxes of soaps)ত ২৬৫ গ্ৰাম সন্দেহজনক হেৰইন উদ্ধাৰ (265 grams of heroin recovered) কৰিবলৈ সক্ষম হয় আৰক্ষীয়ে৷ এই সন্দৰ্ভত আৰক্ষীয়ে মণিপুৰ ইম্ফলৰ ছানথেল মাখালেইকেইৰ আব্দুল ৰছিদৰ পুত্ৰ ছিৰাজক আটক (Manipur’s Imphal-based Siraj arrested) কৰি অধিক তথ্যৰ বাবে তদন্ত অব্যাহত ৰাখিছে বুলি জানিব পৰা গৈছে৷ আনহাতে উদ্ধাৰ হোৱা সন্দেহযুক্তক্ত হেৰইনখিনিৰ বজাৰ মূল্য ২ কোটিতকৈও অধিক টকা হ’ব বুলি অনুমান কৰা হৈছে৷
