খটখটীত প্ৰায় ৫ কোটি টকাৰ সন্দেহযুক্ত মৰফিনসহ আটক সৰবৰাহকাৰী:

শণিবাৰে পুৱা প্ৰায় ১০ মান বজাত কাৰ্বি আংলং জিলাৰ বোকাজান মহকুমাৰ খটখটীত আৰক্ষীৰ নিয়মীয়া নাকা তালাচীত বৃহৎ পৰিমানৰ নিচাযুক্ত ম’ৰফিন সহ এজন সৰবৰাহকাৰীক আৰক্ষীয়ে আটক কৰিবলৈ সক্ষম হয় ৷

বোকাজান মহকুমা আৰক্ষী বিষয়া ৰুস্তমৰাজ ব্ৰক্ষ্মৰ নেতৃত্বত আৰু খটখটী থানাৰ উপ পৰিদৰ্শক বিমান চেতিয়ৈ, জিতুমনি শইকীয়া আৰু কাৰাগাও আৰক্ষী চকীৰ ভাৰপ্ৰাপ্ত বিষয়া স্বমধন স্বৰ্গীয়াৰী লগতে থানা ষ্টাফৰ সহযোগত খটখটী এছবিআই বেংকৰ সন্মূখত নিয়মীয়া নাকা তালাচী চলোৱা সময়ত এখন ট্ৰাকৰ গোপন চেম্বাৰত লুকুৱাই অনা অৱস্থাত ৭ টা পেকেটত ৪’ ৮৯৯ কিলোগ্ৰাম ম’ৰফিন উদ্ধাৰ কৰিবলৈ সক্ষম হয় ৷

মণিপুৰৰ পৰা উত্তৰ প্ৰদেশলৈ লৈ ইউপি 38 এটি 6178 নম্বৰৰ ট্ৰাকত যোৱা অৱস্থাত উদ্ধাৰ হয় ম’ৰফিনখিনি ৷ উক্ত ম’ৰফিনখিনি সৰবৰাহৰ লগত জড়িত উত্তৰ প্ৰদেশৰ কলন চম্বলৰ ৰভুৰ পুত্ৰ ফাইম বুলি চিনাক্ত কৰা হৈছে ৷ উদ্ধাৰ কৰা ম’ৰফিন খিনিৰ বজাৰ মূল্য প্ৰায় ৫ কোটি টকা বুলি অনুমান কৰা হৈছে  ৷ মৰফিনখিনি নিৰপেক্ষ সাক্ষীগণৰ সাক্ষাতে জব্দ কৰি তদন্ত অব্যাহত ৰাখিছে বুলি জানিব পৰা গৈছো