সোমবাৰে দিনৰ প্ৰায় ১২ বজাত বোকাজান মহকুমাৰ অমৰাজানত এগৰাকী ছবছৰীয়া কিশোৰীৰ কুঁৱাত পৰি কৰুণ মৃত্যু ঘটাৰ তথ্য পোহৰলৈ আহিছে। সুনীতা কুর্তি নামৰ মহিলাগৰাকীয়ে তেওঁৰ ছবছৰীয়া কন্যা সন্তান নিৰুদ্দেশ হৈ থকাৰ অভিযোগ বোকাজান থানাত দাখিল কৰিছিল। আৰক্ষীয়ে এই সন্দৰ্ভত তদন্ত চলাই থাকোতে মহিলাগৰাকীৰ বাসগৃহত থকা এটা পৰিত্যক্ত কুৱাত নাবালিকাগৰাকীৰ মৃতদেহ প্রত্যক্ষ কৰে।
ঘটনা সন্দর্ভত আৰক্ষীয়ে তদন্ত অব্যাহত ৰাখিছে বুলি জানিব পৰা গৈছে ৷এই সন্দৰ্ভত বাসগৃহটোত ভাড়াতীয়া হিচাপে থকা ৰঞ্জিত বসুমতাৰী (বাবু) নামৰ যুৱকজনক গ্রেপ্তাৰৰ চেষ্টা চলাই যদিও যুবকজনে আৰক্ষী আৰু ৰাইজৰ চকুত ধূলি মাৰি অঞ্চলটোৰ পৰা পলায়ন কৰে। আৰক্ষীয়ে পলায়ন কৰা বঞ্ছিতক কৰায়ত্ত কৰাৰ ব্যবস্থা গ্রহণ কৰা বুলি জানিবলৈ দিয়ে।
