ASSAM TIMES POST
তাৰালাংছ‘ৰ পৰা কামৰুল খান
১৯৯৪ চনৰ পৰা ডিফুৰ পৰা প্রায় সাত কিঃ মিঃ নিলগত অৱস্থিত তাৰালাংছ’ কাৰবি সাংস্কৃতিক প্ৰকল্পত স্থায়ীভাৱে উদযাপন কৰা কাৰবি যুৱ মহোৎসৱে আজি ৪৬ সংখ্যক বর্ষত উপনীত হৈছে৷ তাৰালাংছ’ লৈ যোৱা পথত ৰাংছিনা ছার্প আদনৰি (তোৰণ), কাৰবি সাংস্কৃতিক প্ৰকল্পৰ মাজভাগতে হেম্ফু মুক্রাং আদনৰি (তোৰণ)ৰ স্থায়ী নির্মাণৰ ওপৰিও অভিযন্তা শিল্পী বদনছিং তিচ্ছৰ ডিজাইন আৰু তত্বাৱধানত নির্মিত কাৰবি মহিলাৰ আভিজাত্যৰ প্রতীক “নথেংপি” (কানফুলি)ৰ কলাকৃতিয়ে সংস্কৃতি প্রেমী ৰাইজৰ দৃষ্টি আকৰ্ষণ কৰিবলৈ সক্ষম হৈছে
অসমৰ বৰ্ণাঢ্য সংস্কৃতিৰ পূৰ্ণ অংশীদাৰ কাৰবি সমাজৰ জাতীয় মহোৎসৱ স্বৰুপ ৪৬ সংখ্যক কাৰবি যুৱ মহোৎৱ কাইলৈৰ পৰা ৰম্যপুৰী তাৰালাংছ’ৰ বাকৰিত আৰম্ভ হৈছে ৷
৫ দিনীয়া কাৰ্যসূচীৰে চলিব লগা সমন্বয়ৰ প্ৰতীক মহোৎসৱ স্থলী আজিৰে পৰা উখল -মাখল পৰিৱেশ। ১ কোটি ২০ লাখ টকা ব্যয় সাপেক্ষে উদযাপিত হৈ থকা কাৰবি যুৱ মহোৎসৱটিত মেলামুখী পৰিবেশৰ মাজতে শ শ দোকান- পোহাৰ প্ৰদৰ্শনীথলী, পৰাম্পৰাগত প্ৰদৰ্শনী ব্যৱস্থা, গ্ৰন্থ বিপণী, সাংস্কৃতিক কাৰ্যসূচী ৰূপায়ণথলী, সভাগৃহ, মনোৰঞ্জনৰ বাবে উদ্যাণ আদি আটক ধুনীয়াকৈ সজাই পৰাই তোলা হৈছে ৷
কাৰবি লোক- কৃষ্টি সংস্কৃতিৰ সংবৰ্দ্ধন আৰু বিকাশৰ বাবে বৃহতৰ তাৰালাংছৰ বাকৰিত শতাধিক আত্ম সহায়ক গোটে যাৱতীয় সামগ্ৰীলৈ উৎসৱথলীত বাহৰ পাতিছে ৷
দেওবাৰে কাৰবি কালচাৰেল ছচাইটিৰ সভাপতি চন্দ্ৰছিং ক্ৰ’ই ৪৬ সংখ্যক কাৰবি যুৱ মহোৎসৱৰ পতাকা উত্তোলন কৰে ৷ কাৰ্বি ৰজা ৰামছিং ৰংহাং, ডুমৰা ৰজা হলিছিং ৰংহাং, বৰেণ্য সাহিত্যিক ৰংবং তেৰাং, কাৰ্বি কালচাৰেল ছচাইটিৰ সভাপতি চন্দ্ৰছিং ক্ৰ’, অসম চৰকাৰৰ মন্ত্ৰী চুম ৰংহাং, সাংসদ হৰেণছিং বে, কাৰ্বি আংলঙৰ বিধায়ক সকল, উপায়ুক্ত মুকুল কুমাৰ শইকিয়া, কাৰবি আংলং জিলাৰ আৰক্ষী অধীক্ষক দেৱজিত দেউৰী, উপ আৰক্ষী অধীক্ষক নাহিদ কৰিশ্মা, কাৰ্বি আংলং স্বায়ত্তশাসিত পৰিষদৰ অন্যান্য কাৰ্যবাহীসকলৰ লগতে আন আন বহু বিশিষ্ট ব্যক্তিৰ উপস্থিততিত আৰু ৫ সহস্ৰাধিক লোক শিল্পীৰ সমুখত।
মহোৎসৱটিৰ আনুষ্ঠানিকভাৱে শুভাৰম্ভ কৰে মুখ্য অতিথি তথা কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে। ইয়াৰ পূৰ্বে শিল্পী গ্ৰামৰ পৰা বৰ্ণিল সাংস্কৃতিক শোভাযাত্ৰাৰে হেমফু মুক্ৰাং বাকৰিত উপস্থিত হয় শিল্পীসকল।ন প্ৰাণ পাই উঠিছে উঠিছে ডিফুৰ তাৰালাংছ’ৰ বাকৰি৷
জিলাখনৰ ভিন্ন প্ৰান্তৰ পৰা অহা শিল্পী সকলৰ হাতে হাতে চেংপি, চেংচ’, চেংবৰুক, চং আদিৰে শোভাবৰ্দ্ধিত হোৱাৰ লগতে মূৰত পহ’ ৱজাৰু,আংনি, পুৰুষৰ গাত চইক’ চয়াং,তিৰুতাৰ গাত পিনি, পেকক, কঁকালত ৱামকক, দুই হাতত চংনক আদিৰে কাৰবি ৰিচ’ নিমচ’ সকলে বৰ্ণিল শোভাযাত্ৰা উলিয়াই পতাকা উত্তোলন থলীত উপস্থিত হয়৷
সাংস্কৃতিক শোভাযাত্ৰাটিৰ নেতৃত্ব প্ৰদান কৰে কেচিএছৰ সভাপতি চন্দ্ৰচিং ক্ৰই৷ উত্তৰ-পূৱ ভাৰতৰ পুৰণি যুৱ মহোৎসৱটিয়ে ইতিমধ্যে গৰকিছে ৪৬টা গৌৰৱোজ্জ্বল বৰ্ষ। আৰম্ভণিৰ দিনটোত কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে মহোৎসৱটিৰ স্থায়ী প্ৰৱেশ দ্বাৰখন আনুষ্ঠানিক ভাৱে মুকলি কৰে।
অৰুণাচল, মেঘালয়, কাছাৰ, গুৱাহাটী, বিশ্বনাথ চাৰিআলি আদি ভিন্ন স্থানৰ লগতে কাৰ্বি আংলঙৰ কাৰ্বি কালছাৰেল ছচাইটিৰ অতি কমেও ২৯টা সাংস্কৃতিক মণ্ডলে অংশগ্ৰহণ কৰিছে। ৫হাজাৰ লোক শিল্পীৰ সমাৱেশেৰে মুখৰিত হৈ থাকিব কাৰ্বি যুৱ মহোৎসৱ।
আনুষ্ঠানিক শুভাৰম্ভৰ পিছতে মহোৎসৱটিৰ আটাকেইখন মঞ্চতে সাংস্কৃতিক কাৰ্যসূচী আৰম্ভ হয়। সন্ধিয়াৰ ভাগত মহোৎসৱথলী তাৰালাংছ’ৰ বাকৰি মায়া নগৰীলৈ ৰূপান্তৰিত হব ৷
উলেখ্য যে ১৯৯৪ চনৰ পৰা ডিফুৰ পৰা প্রায় সাত কিঃ মিঃ নিলগত অৱস্থিত তাৰালাংছ’ কাৰবি সাংস্কৃতিক প্ৰকল্পত স্থায়ীভাৱে উদযাপন কৰা কাৰবি যুৱ মহোৎসৱে আজি ৪৬ সংখ্যক বর্ষত উপনীত হৈছে। ইতিমধ্যে নির্মাণ সম্পূৰ্ণ হোৱা ডিফু মানজা মূল পথৰ পৰা তাৰালাংছ’লৈ যোৱা চাৰিলেনযুক্ত পথৰ দুয়োকাষে আটকধুনীয়া ৰেলিং আৰু কাৰবি পেছাৰপীৰ কলা আৰু ৰঙা ৰঙেৰে যেন সমগ্ৰ পথ ছোৱাতে সজাই পৰাই তোলা হৈছে তাৰালাংছ’ লৈ যোৱা পথত ৰাংছিনা ছার্প আদনৰি (তোৰণ), কাৰবি সাংস্কৃতিক প্ৰকল্পৰ মাজভাগতে হেম্ফু মুক্রাং আদনৰি (তোৰণ)ৰ স্থায়ী নির্মাণৰ ওপৰিও অভিযন্তা শিল্পী বদনছিং তিচ্ছৰ ডিজাইন আৰু তত্বাৱধানত নির্মিত কাৰবি মহিলাৰ আভিজাত্যৰ প্রতীক “নথেংপি” (কানফুলি)ৰ কলাকৃতিয়ে সংস্কৃতি প্রেমী ৰাইজৰ দৃষ্টি আকৰ্ষণ কৰিবলৈ সক্ষম হৈছে।
কাৰবি সকলৰ সমৃদ্ধিশালী লোক সংস্কৃতিৰ সমলবোৰ ক্রমাৎ হেৰাবলৈ উপক্ৰম কৰা দেখি আধুনিক শিক্ষা দীক্ষাৰে নৱ উদিত কাৰবি যুৱক ৰয় ইংহি, জানাছিং তেৰাং, লৰেন্স টেৰণ, আদি বৰেণ্য ব্যক্তি সকলৰ প্ৰচেষ্টাত ১৯৭৪ চনত ডিফু ৰংনিহাংস্থিত ঐতিহ্য মণ্ডিত কাৰবি ক্লাবৰ বাকৰিত কাৰবি যুৱ মহোৎসৱৰ বর্ণিল পৰিক্ৰমা শুভাৰম্ভ কৰা হৈছিল।
