কাৰ্বি আংলং (Karbi Anglong) জিলাৰ খটখটী থানাৰ (Khotkhoti Police Station) অন্তৰ্গত লাহৰিজান নিৰ্মল কুমাৰ চাহ বাগিচা (Laharijan Nirmal Kumar Tea Garden)ত পিষ্টল (Pistol), পাঁচজাই সক্ৰিয় গুলীৰ লগতে হেৰইন (Heroin)সহ এজন লোকক আৰক্ষীয়ে আটক (Arrest) কৰে৷
খটখটী আৰক্ষীৰ সূত্ৰে জানিব পৰা মতে গোপন খবৰৰ ভিত্তিত খটখটী থানাৰ ভাৰপ্ৰাপ্ত আৰক্ষী বিষয়া সূৰ্য কুমাৰ বৰা, উপপৰিদৰ্শক গোবিন কাকতী, অমৰজ্যোতি গগৈৰ লগতে আন আৰক্ষীৰ সহযোগত নিৰ্মল কুমাৰ চাহ বাগিচাত ডিমাপুৰ অহা এন এল ০১ পি ৩৩২৪ নম্বৰৰ এখন বাহন আৰক্ষীয়ে তালাচী কৰে৷ আৰক্ষীয়ে বাহনখনৰ পিছফালৰ ছিটৰ কাষত এটা পইণ্ট ২২ পিষ্টল, ৬ জাই সক্ৰিয় গুলীৰে এটা মেগজিন, দুটা চাবোনৰ বাকচত প্ৰায় ১৬ গ্ৰাম হেৰইন উদ্ধাৰ কৰে৷
ইতিমধ্যে আৰক্ষীয়ে নিউলেণ্ডৰ পোকাছে আওমিৰ পুত্ৰ খোগাহুতো আওমিক আটক কৰি জেৰা অব্যাহত ৰাখিছে। আৰক্ষী ডি এছ পি প্ৰ’বেজনেল অৰূপ কুমাৰ বৈশ্যই সাক্ষীগণৰ সাক্ষাতে হেৰইন, পিষ্টল, সক্ৰিয় গুলীসহ মেগজিন জব্দ কৰে৷
