ASSAM TIMES POST
নিউজ ডেস্ক:
লকডাউনৰ মাজতে আজি ৰাজ্যজুৰি ভিন্ন প্ৰান্তত সোঁৱৰণ কৰা হয় চুতীয়া ৰাজ্যৰ শেষৰ গৰাকীৰ বীৰাংগনা ৰাণী সতী সাধনীক।ৰাজ্যৰ ভিন্ন প্ৰান্তৰ সমান্তৰাল কৈ অনুসূচীত জাতি যুৱ ছাত্ৰ পৰিষদৰ গুৱাহাটী কাৰ্যালয়তো অনা-আনুষ্ঠানিক ভাৱে পালন কৰা হয় সতী সাধনী দিৱস।
মহামাৰী ক’ৰনা ভাইৰাছৰ বাবে ঘোষণা হোৱা লকডাউনৰ বাবে সংগঠনটোৱে বীৰাংগনা গৰাকীৰ প্ৰতিচ্ছবিত বন্তি প্ৰজ্বলন আৰু মাল্যৰ্পণ কৰে।এই কথা প্ৰকাশ কৰিছে সংগঠনতো সভাপতি ৰুবুল দাসে।দেশপ্ৰেম, মৃত্যুঞ্জয়ী আদৰ্শ আৰু বীৰত্বৰে মহীয়ান বীৰাংগনা নাৰী গৰাকীক স্মৰণ কৰি সংগঠনৰ হৈ সভাপতি দাসে কয় “সতী সাধনীৰ আদর্শৰে আগবাঢ়িব লাগে নৱ-প্ৰজন্ম”।
উল্লেখ যে দেশ আৰু জাতিৰ বাবে যিসকল নাৰীয়ে আত্মবলিদান দিছিল সেইসকলৰ ভিতৰত সতী সাধনীৰ অন্যতম বুলি উল্লেখ কৰি চৰকাৰক আহ্বান জনায় দাসে কয় “চুতীয়া জনগোষ্ঠীৰ দীর্ঘদিনীয় দাবী সমূহ পূৰণ কৰিব লাগে”। উল্লেখ যে সংগঠনতো হৈ উক্ত কাৰ্যসূচীত উপস্থিত থাকে সাধাৰণ সম্পাদক কমলা কান্ত দাস, ক্ৰীড়া আৰু সাংস্কৃতিক সম্পাদক সুনীল দাস।
