ASSAM TIMES POST
নিউজ ডেস্ক:
লকডাউনৰ বাবে পৰিষ্কাৰ হৈছে উত্তৰ ভাৰতৰ বায়ু আৱৰণ। নাচাৰ মতে, উত্তৰ ভাৰতৰ বায়ু প্ৰদূষণ এই বছৰত ২০ বছৰৰ ভিতৰত সৰ্বনিম্ন স্তৰলৈ নামিছে।ইয়াৰ কাৰণ হিচাপে কোৱা হৈছে কৰোনা মহামাৰীৰ বাবে দিয়া লকডাউনৰ কাৰণে মানুহ ঘৰৰ ভিতৰত সোমাই থকা আৰু ৰাস্তাত বাহন নচলা।
আমেৰিকাৰ মহাকাশ এজেন্সিৰ উপগ্ৰহীয় পৰ্যবেক্ষণৰ পৰা দেখা গৈছে যে দেশজুৰি হোৱা লকডাউনৰ বাবে এৰোচল স্তৰ ২০ বছৰৰ সৰ্বনিম্ন স্তৰলৈ নামি গৈছে।নাচাৰ Universities Space Research Association (USPA)ৰ বিজ্ঞানী পবন গুপ্তাই কয়, ” আমি জানিছো যে লকডাউনৰ সময়ছোৱাত বহু স্থানত পাৰিবেশিক উপাদানৰ পৰিবৰ্তন দেখিবলৈ পাম।”
