বিশেষ প্ৰতিবেদন :
মুধা ফুটা লোকসকলৰ টুইটাৰ একাউন্ট হেক হৈছে। হেকাৰৰ কবলত পৰিছে বাৰাক ওবামা, জো বিডেনৰ পৰা আৰম্ভ কৰি এলোন মাস্ক আৰু অন্য বহুতো। হেকাৰৰ Bitcoin স্ক্ৰীম মাধ্যমেৰে এই কাম চলাইছে বুধবাৰেই। এই ঘটনাৰ ব্যাখ্যা দিবলৈ গৈ টুইটাৰ সংস্থাই জনাইছে, হেকাৰসকলে কর্মচাৰীসকলৰ ইন্টাৰনেল এস্কছেছ চুৰি কৰি এই ধৰণৰ ঘটনা ঘটাইছে। কিন্তু আপুনি আপোনাৰ টুইটাৰ একাউন্টক কেনেদৰে নিৰাপদে ৰাখিব?
অৱশ্যে সতর্কতা অৱলম্বন কৰিও বহু সময়ত হেকাৰসকলৰ কবলৰ পৰা নিজকে বচোৱা সম্ভৱ নহয়। তথাপিও এই উপায়সমূহ অৱলম্বন কৰিলে কিছু নিৰাপদে ৰখা যাব পাৰে টুইটাৰ একাউন্ট।
১. টু ফেক্টৰ অথেনটিকেচন (Two-factor authentication): যেনেদৰে বর্তমান অৱস্থাত টুইটাৰ হেক হৈছে তাত কাম নকৰিলেও ভবিষ্যতে আপোনাৰ একাউন্টক ৰক্ষা কৰিব পাৰে এই অপচনে। যদি কোনো হেকাৰৰ ওচৰত ইন্টাৰনেল একছেছ নাথাকে তেতিয়াহ’লে এই স্তৰ ওফৰোৱা খুবেই সহজ।
২.আনফলো আৰু ব্লক (Unfollow and Block): যদি দেখে কোনো সন্দেহজনক ব্যক্তিয়ে টুইটাৰত আপোনাক বিৰক্ত কৰিছে তেতিয়াহ’লে আপোনাৰ একাউন্টৰ পৰা তেওঁক মচি পেলাওক। আনফলো আৰু ব্লক কৰক।
৩. এডভান্সড ব্লক (Advanced Block): এডভান্সড ব্লক অপচন ব্যৱহাৰ কৰি আপোনাৰ একাউন্টত অযাচিত মানুহৰ গতিবিধিত ৰোধক টানিব পাৰে।
৪. পোনপটীয়া বার্তা বন্ধ কৰক (Disable Direct Messages): যিসকলক আপুনি ফলো নকৰে, তেওঁলোকৰ পৰা অহা বার্তা বন্ধ কৰাৰ বাবে এই অপচনটি অন কৰি ৰাখিব পাৰে।
৫. একাউন্ট গোপন কৰি ৰাখক (Make your account private): এই অপচনৰ মাধ্যমেৰে আপোনাৰ একাউন্টটিক গোপনে ৰাখিব পাৰে। যাৰ ফলত আপোনাৰ একাউন্ট আৰু আপোনাৰ টুইট কেৱল তেওঁলোকেহে চাব পাব যিসকলে আপোনাক ফলো কৰে। ফলত আপোনাক সকলোৱে বিচাৰিলেও ফলো কৰিব নোৱাৰিব। আপোনাৰ একাউন্টত নিৰাপত্তা থাকিব।
