লংকাৰ পৰা মনোজ কুমাৰ পাঠক
হোজাইৰ উত্তৰ বিদ্যানগৰত আজি আৰক্ষীয়ে চলাই ড্ৰাগছ বিৰোধী অভিযান। হোজাই থানাৰ ভাৰপ্ৰাপ্ত বিষয়া গৌতম কুমাৰ আৰু টাউন উপ-পৰিদৰ্শক জ্যোতিকমল বনিয়াৰ নেতৃত্বত আৰক্ষীৰ এটা দলে গোপন সুত্ৰৰ ভিত্তিত ৰীণা মণ্ডলৰ ঘৰত অভিযান চলাই চাবোনৰ বাকচত থকা ১৩ গ্ৰাম ব্ৰাউন ছুগাৰ জব্দ কৰে।
লগতে ড্ৰাগছ সৰ্বৰাহকাৰী ৰীণা মণ্ডল আৰু কনক বিশ্বাসক গ্ৰেপ্তাৰ কৰি অধিক সোধাপোছাৰ বাবে আৰক্ষীয়ে নিজৰ জিম্মাত লয়। ইপিনে ধৃত সৰবৰাহকাৰী দ্বয়ে ড্ৰাগছখিনি কৰ পৰা আনিছিল সেয়া জানিবলৈ আৰক্ষীয়ে অব্যাহত ৰাখিছে জেৰা আৰু অনুসন্ধান। হোজাইত ব্ৰাউন ছুগাৰ জব্দ হোৱা ঘটনাক লৈ সৃষ্টি হৈছে তীব্ৰ চাঞ্চল্যৰ।
