ষ্টাফ ৰিপ’ৰ্টাৰ
ডিফু : বুধবাৰে দুপৰীয়া ৩৬নং ৰাষ্ট্ৰীয় ঘাই পথৰ শিলভেটাত এক শোকাবহ পথ দুৰ্ঘটনা সংঘটিত হয় ৷ এএছ-০৯-ডি-১৫৫৫ নম্বৰৰ এখন পালচাৰ বাইকে এখন ডাম্পাৰত খুন্দা মৰাৰ ফলত বাইক আৰোহী জন গুৰুতৰভাৱে আহত হয় ৷ দুৰ্ঘটনাৰ স্থান পাহাৰীয়া এলেকা হোৱাৰ বাৱে বাইক আৰোহীজন ঘটনাস্থলিতে বহু সময় পৰি থকাত অধিক ৰক্তক্ষৰণ হয় ৷ হাত ভৰি ভঙা অৱস্থাত পোৱা বাইক আৰোহীজনৰ পৰিচয় এই পৰ্যন্ত জানিব পৰা হোৱা নাই৷ সম্প্ৰতি ততাতৈয়াকৈ লোকজনক উন্নত চিকিৎসাৰ বাৱে ডিফুলৈ প্ৰেৰণ কৰা হৈছে৷
