[captainform id=”1286858″ lightbox=”1″ miliseconds=”3000″ type=”auto-popup”]
ASSAM TIMES POST
প্ৰশান্ত বৰা, বকলীয়াঘাটঃ কাৰ্বি আংলং জিলা প্ৰশাসনৰ তৎপৰতাত আজি বকলীয়াঘাট আৰক্ষীয়ে দিনজোৰা কাৰ্যসূচীৰে বকলীয়াঘাট এলেকাৰ বিভিন্ন স্থানত অভিযান চলাই কেইবাটাও অবৈধ চুলাই মদৰ ঘাটি আৰু জুৱাৰ আড্ডা উৎখাত কৰে ।
দণ্ডাধীশ নূপুৰ বৰাৰ উপস্থিতিত আৰক্ষীয়ে আজি বকলীয়াঘাট বজাৰ আৰু পাট্ৰাদিছাৰ ৰাষ্ট্ৰীয় ঘাইপথৰ কাষত থকা ধাবাসমূহত অভিযান চলাই বুজন পৰিমাণৰ চুলাই মদ, বিদেশী সুৰা আৰু বিভিন্ন ব্ৰেণ্ডৰ গুটখাৰ পেকেট জব্দ কৰে।
জব্দ কৰা সামগ্ৰীসমূহ পিছত বকলীয়াঘাট থানা চৌহদত নষ্ট কৰি পেলোৱা হয়। প্ৰসংগক্ৰমে বকলীয়াঘাট এলেকাত গঢ়ি উঠা অবৈধ জুৱা আৰু সুৰাৰ আড্ডাই দীৰ্ঘদিন ধৰি এলেকাটোৰ সামাজিক পৰিৱেশ বিনষ্ট কৰাৰ অভিযোগ উত্থাপিত হৈ আহিছে ।
