ASSAM TIMES POST
ডিফুঃ ভাৰত চৰকাৰৰ মানৱ উন্নয়ণ আৰু বিকাশ মন্ত্ৰালয়ৰ স্কুল, শিক্ষা আৰু স্বাক্ষৰতা বিভাগৰ নিৰ্দেশ মৰ্মে ১ ছেপ্তম্বৰৰ পৰা ১৫ ছেপ্তম্বৰলৈ পষেকজোৰা ‘ স্বচ্ছতা পখৱাড়া’ অভিযানৰ অংশ স্বৰুপে বুধবাৰে ডিফুৰ চন্দ্ৰ ছিং টেৰণ হাইস্কুলৰ উদ্যোগত স্থানীয় লোকৰ মাজত ‘স্বচ্ছতা পখৱাড়া’ৰ সজাগতা কাৰ্যসূচী গ্ৰহণ কৰা হয়৷
ডিফুৰ হৰিলাল বস্তিৰ মোফাজিল আলী বৰভূঁঞাৰ বাসগৃহত আৰু পানবাৰীত দুখনকৈ সজাগতা সভা অনুষ্ঠিত কৰা হয়৷ সভাত চন্দ্ৰছিং টেৰণ হাইস্কুলৰ পৰা শিক্ষক ক্ৰমে নিত্যানন্দ বৰা, নিতাই দাস, ৰাম চন্দ্ৰ তিমুঙ, দেবাঙ্গন দত্ত, সোণালী তেৰাঙপী আৰু কাজিৰ ইংলেঙপী সমল ব্যক্তি হিচীপে উপস্থিত থাকি স্থানীয় জনসাধাৰণ আৰু ছাত্ৰ- ছাত্ৰীৰ মাজত চৌপাশৰ চাফ-চিকুণতা, নিৰ্দিষ্ট স্থানত জাঁবৰ-জোঠৰ পেলোৱা, পানীৰ অপচয় ৰোধ কৰি পানীৰ সদব্যৱহাৰ কৰাকে আদি কৰি স্বচ্ছতা সন্দৰ্ভত কেতবোৰ মূল্যবান দিহা-পৰামৰ্শ আগবঢ়ায়৷ উল্লেখযোগ্য যে ‘স্বচ্ছতা পখৱাড়া’ সজাগতা অভিযানত বিদ্যালয়েও অংশ গ্ৰহণ কৰা বুলি জানিব পৰা গৈছে৷
