ASSAM TIMES POST
পশ্চিম কাৰ্বি আংলংঃ পশ্চিম কাৰ্বি আংলং জিলা উপায়ুক্ত কাৰ্যালয়ত দুষ্কৃতিকাৰীৰ দুষ্কৰ্ম। বিদ্যুৎ যোগানৰ বাবে কাৰ্যালয়ৰ চৌহদত ৰখা জেনেটৰত দুষ্কৃতিকাৰীয়ে অগ্নি সংযোগ কৰাৰ সন্দেহ।
অগ্নিকাণ্ডৰ ঘটনাৰ পৰা কথমপি ৰক্ষা পশ্চিম কাৰ্বি আংলং জিলা উপায়ুক্তৰ কাৰ্যালয়। অগ্নিকাণ্ডৰ ঘটনাত জেনেটৰ জ্বলি সম্প্ৰতি নষ্ট। চি চি টিভিৰ ফুটেজত সংঘটিত অগ্নিকাণ্ড ঘটনাৰ দৃশ্যাংশ লাভ আৰক্ষীৰ।
ফুটেজ অনুসৰি অচিনাক্ত দুষ্কৃতিকাৰীয়ে এই ঘটনা সংঘটিত কৰাৰ সন্দেহ যদিও নিশ্চিত কৰিব পৰা নাই অগ্নিকাণ্ডৰ প্ৰকৃত কাৰণ। ইফালে ফুটেজত এজন ব্যক্তিক দেখিবলৈ পোৱা গৈছে যদিও চি চি টিভি পৰিচালনা কৰা EXPERT ৰ অভাৱত নিশ্চিত কৰিব পৰা নাই ই প্ৰকৃততে অগ্নি সংযোগৰ ঘটনা নে আন কিবা যান্ত্ৰিক বিজুতিৰ ফলত সংঘটিত হোৱা অগ্নিকাণ্ডৰ ঘটনা।
আনহাতে হামৰেণ আৰক্ষী অধীক্ষক মৃণাল তালুকদাৰৰ নেতৃত্বত ঘটনা সন্দৰ্ভত ক্ষিপ্ৰতৰ অনুসন্ধান আৰু তদন্ত অব্যাহত ৰাখিছে। উল্লেখযোগ্য যে সংঘটিত অগ্নিকাণ্ডৰ ঘটনা এই পৰ্যন্ত সন্দেহৰ অৱৰ্তত।
চি চি টিভি ফুটেজসমুহ উয়যুক্ত EXPERT তে বিশ্লেষণ কৰাৰ পিছতহে সমগ্ৰ ঘটনাৰ প্ৰকৃত কাৰণ পোহৰলৈ আহিব আৰু অহা দুদিনৰ ভিতৰত ফুটেজসমূহ সুক্ষ্ম দৃষ্টিৰে বিশ্লেষণ কৰা হ’ব বুলি আৰক্ষী অধীক্ষকে ইতিমধ্যে জানিবলৈ দিয়ে যদিও তদন্তৰ খাতিৰত কেমেৰাৰ সমুখত অৱগত কৰাৰ পৰা বিৰত থাকে আৰক্ষী অধীক্ষকগৰাকী।
