ষ্টাফ ৰিপ’ৰ্টাৰ:
ডিফু : শাৰদীয় দূৰ্গা পুজাৰ আনন্দ উল্লাসৰ মাজতে এচাম ড্ৰাগছ মাফিয়াই বন্ধ কৰা নাই যুৱ সমাজক কোঙা কৰি পেলাব পৰা বৰবিহ সদৃষ নিচাযুক্ত ড্ৰাগছৰ অবৈধ সৰবৰাহ ৷ কাৰবি আংলং জিলাৰ অসম-নাগালেণ্ড সীমান্তই দি পুজাৰ মাচতো ড্ৰাগছ সৰবৰাহৰ প্ৰচেষ্টা কৰি আৰক্ষীৰ জালত পৰিছে দুই আন্তঃৰাজ্যিক ড্ৰাগছ সৰবৰাহকাৰী ৷
বোকাজান মহকুমাত আৰৰীয়ে ধাৰাবাহিক ভাৱে ড্ৰাগছ বিৰোধী অভিযান অব্যাহত ৰথাৰ সমান্তৰালকৈ অবিৰত ভাৱে বোকাজান মহকুমাৰ মহকুমা আৰক্ষী বিষয়া গৰাকীয়ে অব্যাহত ৰাখিছে ড্ৰাগছ বিৰোধী অভিযান সিমানেই ড্ৰাগছৰ সৰবৰাহ কাৰীয়েও বিভিন্ন সময়ত ন ন কৌশল অৱলম্বন কৰি নিষিদ্ধ ড্ৰাগছৰ সৰবৰাহ অব্যাহত ৰখা পৰিলক্ষিত হৈছে।
ড্ৰাগছ সৰবৰাহ কাৰীয়ে যিমানেই ন ন কৌশল অৱলম্বন নকৰক কিয়,
খটখতি আৰু বোকাজান আৰক্ষীৰ চকুত ধূলি মাৰি সাৰি পৰা নাই কোনো ড্ৰাগছ সৰবৰাহকাৰী ৷এই ক্ষেত্ৰত সদায় খটখটী আৰু বোকাজান আৰক্ষী সষ্টম হৈ থকা পৰিলক্ষিত হৈছে।
বুধবাৰে পুনৰ খটখতি SBI শাখাৰ সন্মুখত এখন নৈশ বাছৰ পৰা
বোকাজান মহকুমাৰ মহকুমা আৰক্ষী বিষয়া জন দাসৰ নেতৃত্বত খটখটী আৰক্ষী চকীৰ ভাৰপ্ৰাপ্ত আৰক্ষী বিষয়া মৌব্লিক ব্ৰহ্ম,SI মৃদুল ৰুদ্ৰ পল,SI চৰণ মোহন চেতিয়া,SI নিতুল শইকীয়াৰ সৈতে অভিযানকাৰী দলে চলোৱা তালাচীত নিষিদ্ধ ড্ৰাগছসহ দুজনক আটক কৰে।
ডিমাপুৰৰ দিশৰ পৰা গুৱাহাটী অভিমুখী NL-07-B-0399 নম্বৰৰ এখন যাত্ৰীবাহী বাছৰ পৰা পোন্ধৰটা চাবোনৰ বাকচত উদ্ধাৰ কৰে 186.4 গ্ৰাম নিষিদ্ধ ড্ৰাগছ।খটখটী আৰক্ষীয়ে জব্দ কৰা ড্ৰাগছখিনিৰ আন্তঃৰাষ্ট্ৰীয় বজাৰ মূল্য কেইবা লক্ষ্যাধিক টকা হব বুলি অনুমান কৰা হৈছে।
খটখটী আৰক্ষীয়ে সৰবৰাহৰ সৈতে জড়িত মণিপুৰ সেনাপতি জিলাৰ D Loli আৰু ডিমাপুৰৰ Tepnu Rheto নামৰ দুজনক আটক কৰিছে বুলি জানিব পৰা গৈছে। অধিক তথ্যৰ বাবে খটখতি আৰক্ষীয়ে আটক কৰা লোক দুজনক জেৰা অব্যাহত ৰাখিছে।
