স্বাস্থ্য প্ৰতিবেদনঃ
কাটি হৈ, উবুৰি হৈ— বিভিন্ন ধৰণে বহুতে শুই ভালপায়। কোনোবাই যে সমগ্ৰ নিশা একেদৰেই শুৱে তেনেও নহয়। কিন্তু ইয়াৰ ভিতৰত সকলোতকৈ ভাল চিত হৈ শোৱাটো। এনেদৰে শুলে বহু সমস্যা কমে। শেহতীয়া গৱেষণাত এই কথা প্ৰকাশ।
কেলিফোর্নিয়া বিশ্ববিদ্যালয়ৰ সাম্প্রতিক এক গৱেষণাই কৈছে যে চিত হৈ শোৱাৰ অভ্যাস সকলোতকৈ ভাল। ইয়াৰ সাতটা কাৰণ আছে।
১। গৱেষণাই কৈছে, চিত হৈ শুলে কান্ধ, পিঠি আৰু মেৰুদণ্ডৰ আৰাম হয়। সকলোতকৈ বেছি বিশ্রাম হয় এনেদৰে শুলেই।
২। চিত হৈ শুলে শ্বাস-প্রশ্বাসৰ উন্নতি হয়। হাওঁফাওঁ ভর্তি কৰি সহজতেই নিশ্বাস ল’ব পৰা যায়। ইয়াৰ ফলত হাওঁফাওঁৰ সক্ষমতা যেনেদৰে বাঢ়ে, তেনেদৰেই বাঢ়ে শৰীৰত অক্সিজেনৰ মাত্রা। ফলত ৰোগ প্রতিৰোধ ক্ষমতাৰ পৰা আৰম্ভ কৰি মানসিক স্বাস্থ্যৰ উন্নতি হয়।
৩। মুখত বয়সৰ চাপ পৰা, ছাল শোঁতোৰা পৰাৰ অন্যতম কাৰণ কাটি হৈ শোৱাটো। চিত হৈ শুলে এই সমস্যা বহুখিনি কমে।
৪। ছাইনাছৰ সমস্যা থাকিলে সেইটোও কমি থাকে চিৎ হৈ শুলে। নাক বন্ধ হোৱাৰ সমস্যাও ইয়াৰ ফলত কিছু কমি যায়।
৫। কাটি হৈ শুলে মূৰৰ বিষৰ সমস্যা নকমিবও পাৰে। কিন্তু চিত হৈ শুলে এই সমস্যা সোনকালে নোহোৱা হৈ যায়।
৬। চিত হৈ শুলে সূর্যৰ প্রথম পোহৰৰ আভাস পোৱা যায়। ৰ’দ উঠিলে নিজে নিজেই টোপনি ভাঙে। ই টোপনিৰ পৰা উঠাৰ সময়টো আগুৱাই আনে। তাৰ ফলত সোনকালে টোপনি যোৱাৰ অভ্যাসো সৃষ্টি হয়। ইয়াৰ ফলত গেষ্ট্ৰিকজাতীয় সমস্যা কমে।
৭। কোনো এটা ফালে কাটি হৈ শুলে মুখৰ সেইটো ফালে ৰক্ত জমা হৈ থাকে। ফলত মুখ ফুলা ফুলা যেন দেখা হয়। চিত হৈ শুলে এই সমস্যা নহয়। বৰং মুখ সতেজ লাগে।
