ৰাষ্ট্ৰপতি President স্বয়ং এই জিলাখনৰ ব্যক্তি। দেশৰ সম্ভাৱ্য প্ৰথম নাগৰিক হিচাপে দ্ৰৌপদী মুৰ্মুৰ Droupadi Murmu নাম ঘোষণা কৰাৰ পিছতে নিশাৰ ভিতৰতে লাইমলাইটলৈ আহে ওড়িশাৰ Odishaময়ুৰভঞ্জ জিলা। এইবাৰ এই জিলাখনেও বিমানবন্দৰ পাবলৈ গৈ আছে।
ইতিমধ্যে এই জিলাত এটা পৰিত্যক্ত বৃটিছ যুগৰ বিমানবন্দৰ আছিল। ওড়িশা চৰকাৰে প্ৰতিৰক্ষা মন্ত্ৰালয়লৈ পত্ৰ প্ৰেৰণ কৰি ইয়াৰ সংস্কাৰ আৰু পুনৰ আৰম্ভ কৰিব বিচাৰিছে। মঙলবাৰে এই সন্দৰ্ভত প্ৰয়োজনীয় অনুমতি মন্ত্ৰালয়ে ৰাজ্যৰ মুখ্য সচিবলৈ প্ৰেৰণ কৰা পত্ৰযোগে প্ৰদান কৰিছে। ইয়াৰ উপৰি দ্ৰুতগতিত কাম আৰম্ভ কৰিব বুলিও কোৱা হৈছে।
স্থানীয় প্ৰশাসনৰ সূত্ৰ অনুসৰি, দ্বিতীয় বিশ্বযুদ্ধৰ সময়ত ব্ৰিটিছে এই অস্থায়ী বিমানবন্দৰটো নিৰ্মাণ কৰিছিল। ১৯৪৫ চনত প্ৰথম বিশ্বযুদ্ধৰ শেষলৈকে এই বিমানবন্দৰটো কাৰ্যক্ষম হৈ আছিল। স্বাধীনতাৰ পিছত চৰকাৰী সংস্থা ডি আৰ ডি অʼই প্ৰতিৰক্ষা গৱেষণা আৰু উন্নয়নৰ বাবে ১৬০.৩৫ একৰ মাটিৰ মালিকীস্বত্ব লাভ কৰে।
জানিব পৰা মতে, এই বিমানবন্দৰটো ময়ুৰভঞ্জৰ জিলা সদৰৰ পৰা প্ৰায় ৪৫ কিলোমিটাৰ দূৰত্বত থকা ৰাসগোবিন্দপুৰত নিৰ্মাণ কৰা হʼব। ডি আৰ ডি অʼই বিমানবন্দৰৰ বাবে ঠাইখন মুকলি কৰিবলৈ সন্মত হয়।
অৱশ্যে ক্ষতিপূৰণ হিচাপে ২৬ কোটি টকা দিব লাগিব ওড়িশা চৰকাৰে। বিমানবন্দৰটো কাৰ্যক্ষম হʼলে ওড়িশাৰ বাকী উত্তৰ অংশৰ সৈতে সংযোগ সহজ হʼব বুলি আশা কৰা হৈছে। মূলতঃ পৰ্যটনস্থলী যেনে ছিমলিপাল, চণ্ডীপুৰ, তালছাৰী বিলৰ সৈতে ভুৱনেশ্বৰ বা কটকৰ সৈতে অধিক সুকলমে সংযোগ থাকিব।
