অসমৰ মুখ্যমন্ত্ৰী (Chief Minister of Assam) হিমন্ত বিশ্ব শৰ্মা (Himanta Biswa Sarma)ই ৯ মাৰ্চত এজন ব্যক্তিক লৈ সৰ্বাধিক ৰচনা লিখাৰ বাবে গিনিজ ৱৰ্ল্ড ৰেকৰ্ডৰ (Guinness World Records) স্বীকৃতিৰ প্ৰমাণ-পত্ৰ (Certificate) লাভ কৰে।
উল্লেখ্য, আহোম সেনা প্ৰধান (Ahom army chief) লাচিত বৰফুকনৰ (Lachit Borphukan) ৪০০ সংখ্যক জন্ম জয়ন্তী (400th Birth Anniversary) উপলক্ষে আয়োজন কৰিছিল এক বিশেষ ৰচনা লিখা প্ৰতিযোগিতা (Essay Writing Competition)। উক্ত প্ৰতিযোগিতাত লাচিতৰ ওপৰত মুঠ ৪২,৯৪,৩৫০ লাখ হাতে লিখা ৰচনা লাভ কৰিৰে চৰকাৰে। ২০২২ চনৰ ফেব্ৰুৱাৰী মাহত গুৱাহাটীৰ পৰা প্ৰাক্তন ৰাষ্ট্ৰপতি ৰামনাথ কোবিন্দে লাচিত বৰফুকনৰ জন্মজয়ন্তীৰ এই বছৰজোৰা উদযাপনৰ শুভাৰম্ভ কৰিছিল।
মুখ্যমন্ত্ৰীক প্ৰমাণ-পত্ৰ প্ৰদান কৰি গিনিজ বুকৰ এগৰাকী প্ৰতিনিধিয়ে কয় যে আন কোনো অনুষ্ঠান বা ঐতিহাসিক সত্তাই প্ৰায় ৪৩ লাখ হাতে লিখা ৰচনা এতিয়ালৈকে সৃষ্টি কৰা নাই। উল্লেখ্য, এই ৰচনাসমূহ অসমৰ লগতে সমগ্ৰ বিশ্বৰ বিভিন্ন ঠাইৰ লোকে লিখিছিল।
ইফালে এই স্বীকৃতি-পত্ৰ গ্ৰহণ কৰি মুখ্যমন্ত্ৰী ডঃ হিমন্ত বিশ্ব শৰ্মাই কয় যে ৰাজ্য চৰকাৰে ২০২২ চনৰ নৱেম্বৰ মাহত মুকলি কৰা পৰ্টেল আৰু মোবাইল ফোন এপত তেওঁলোকৰ ৰচনা আপলোড কৰি তেওঁৰ ৪০০ সংখ্যক জন্ম জয়ন্তীত কিংবদন্তি আহোম সেনা সেনাধ্যক্ষগৰাকীক শ্ৰদ্ধাঞ্জলি জনাবলৈ আহ্বান জনাইছিল।
চৰকাৰে ৫৭ লাখৰো অধিক ৰচনা লাভ কৰিছিল যদিও গিনিজ কৰ্তৃপক্ষই হাতে লিখা ৰচনাৰ ৪২.৯৪ লাখ ছবি বিবেচনা কৰে।
“কোনো অভিলেখ সৃষ্টিৰ উদ্দেশ্যেৰে এই পদক্ষেপ আৰম্ভ কৰা হোৱা নাছিল। ভাৰতৰ অন্যতম সাহসী বীৰপুত্ৰৰ সৈতে জড়িত এই গুৰুত্বপূৰ্ণ অনুষ্ঠানত জনসাধাৰণক অংশগ্ৰহণ কৰাৰ প্ৰয়াস আছিল।” মুখ্যমন্ত্ৰীয়ে কয়।
মুখ্যমন্ত্ৰীয়ে লগতে কয়, “অসম তথা অসমবাসীৰ বাবে আজি এক ঐতিহাসিক দিন। বীৰত্ব আৰু সাহসৰ প্ৰতীক মহাবীৰ লাচিত বৰফুকন বিষয়ক ‘হাতেলিখা টোকাসমূহৰ সৰ্ববৃহৎ অনলাইন ফটো এলবাম’ৰ বাবে ৰাজ্যখনে গীনিজ ৱৰ্ল্ড ৰেকৰ্ডছৰ স্বীকৃতি লাভ কৰিছে। গীনিজ ৱৰ্ল্ড ৰেকৰ্ডছৰ মাননীয় এডজুডিকেটৰ শ্ৰীস্বপ্নিল বাণ্ডোড়কাৰৰ পৰা আজি আনুষ্ঠানিকভাৱে ৰেকৰ্ডৰ প্ৰমাণপত্ৰ গ্ৰহণ কৰি অতিশয় আনন্দিত হৈছোঁ। এই ছেগতে বাণ্ডোড়কাৰ ডাঙৰীয়াক আন্তৰিক কৃতজ্ঞতা জ্ঞাপন কৰিছোঁ।
লাচিত বৰফুকনৰ ৪০০সংখ্যক জয়ন্তী উপলক্ষে স্বতঃস্ফূৰ্তভাৱে লিখিত টোকা আগবঢ়োৱাৰ বাবে মই ৰাজ্য তথা দেশৰ বিভিন্ন প্ৰান্তৰ জনগণক আন্তৰিক ধন্যবাদ জ্ঞাপন কৰিছোঁ।”
উল্লেখ্য, অহা এপ্ৰিল মাহত ৰঙালী বিহু উদযাপনৰ সময়ত বিশ্বৰ সৰ্ববৃহৎ বিহু নৃত্য প্ৰদৰ্শনৰ বিশ্ব অভিলেখ গঢ়িবলৈও ৰাজ্য চৰকাৰ আগবাঢ়িছে।
বিশ্বজুৰি বিহুক জনপ্ৰিয় কৰাৰ লক্ষ্যৰে এই অনুষ্ঠানত অংশগ্ৰহণ কৰিবলৈ অসম চৰকাৰে প্ৰধানমন্ত্ৰী নৰেন্দ্ৰ মোদী আৰু ভাৰতৰ জি-২০ প্ৰতিনিধিৰ উপৰিও দেশৰ সকলো ৰাজ্যপাল আৰু মুখ্যমন্ত্ৰীক আমন্ত্ৰণ জনাইছে।
