ASSAM TIMES POST
অজন্তা তালুকদাৰ, বোকাখাতঃ বোকাখাত মহকুমা চুতীয়া ছাত্ৰ সন্থাৰ উদ্যোগত আজি বোকাখাতৰ মাজ মজিয়াত চুতীয়া ছাত্ৰ সন্থাৰ উদ্যোগত আৰু ৰাইজৰ সহযোগত অৱস্থান ধৰ্মঘটৰ এক কাৰ্যসূচীৰ পালন কৰে। অসমৰ আদিম ভূমিপুত্র চুতীয়া জনগোষ্ঠীক চৰকাৰে জনজাতিকৰণ নকৰা,চুতীয়া জনগোষ্ঠীৰ শেষৰ গৰাকী ৰাণী তথা এছিয়া মহাদেশৰ প্ৰথম গৰাকী বীৰংগনা নাৰীৰ নামত চৰকাৰে ২০২০ চনৰ যি চৰকাৰী বন্ধ আছে তাত অন্তৰ্ভুক্ত কৰা আৰু জাতিধ্বংসী নাগৰিকত্ব সংশোধনী বিধেয়ক ২০১৬বাতিল কৰা দাবীত অৱস্থান কাৰ্যসূচী ৰূপায়ন কৰে।প্ৰতিবাদী অৱস্থান ধর্মঘট কাৰ্যসূচীত বিজেপি কেন্দ্ৰীয় আৰু ৰাজ্য চৰকাৰক সকীয়াই দিয়ে ।
উল্লেখযোগ্য যে চুতীয়া জনগোষ্ঠীৰ মূল সন্মিলন চুতীয়া জাতি সন্মিলন ১৯২৫ চনত গঠন হৈছিল যদিও কোনো এখন চৰকাৰে চুতীয়া জনগোষ্ঠীক তেওঁলোকৰ ন্যায্য দাবীৰ প্ৰতি সঁহাৰি জনোৱা নাই,কেৱল বছৰৰ পিছত বছৰ কেৱল ভোট বেংকৰ বাবেহে চুতীয়া জনগোষ্ঠীক ঠগি আহিছে বুলি চুতীয়া ছাত্ৰ সন্থা বোকাখাত মহকুমা সভাপতি মন্টু শইকীয়াই উল্লেখ কৰে। লগতেই কয় যে বিজেপি চৰকাৰে যেনেদৰে সকলো জাতি জনগোষ্ঠীক সম অধিকাৰ আৰু সম মৰ্যদা কথা কয়,কিন্তু চুতীয়া জনগোষ্ঠীক অন্যান্য জনগোষ্ঠীতকৈ অৱহেলা কৰা দেখা পোৱা যায়,গতিকে চৰকাৰে অতি সোনকালে চুতীয়া সকলৰ যি ন্যায্য দাবী সমূহ আছে,সেই দাবিসমূহ পূৰণ কৰিব বাবে চৰকাৰৰ প্ৰতি বিনম্ৰভাৱে অনুৰোধ জনায়,লগতেই কয় যে চুতীয়া সকলৰ যি শেষৰ গৰাকী ৰাণী সাধনী আছিল ৭ বহাগৰ দিনটো যাতে অতি সোনকালে অসম চৰকাৰ তথা অসমৰ চৰকাৰী প্ৰশাসনে চৰকাৰী বন্ধ তালিকাত নাম অন্তৰ্ভুক্ত কৰিবলৈ অনুৰোধ জনায়,লগতেই অৱস্থান ধর্মঘট কাৰ্যসূচীৰ পৰা এটা কথা দাবী জনায় যে বিজেপি চৰকাৰে যি জাতিধ্বংসী নাগৰিকত্ব সংশোধনী বিধেয়ক ২০১৬ অসম আৰু অসমীয়া ওপৰত জাপি দিব বিচাৰিছে তাক কোনো কাৰণতে মানি লোৱা নহব বুলি উল্লেখ কৰে।
আজি এই প্ৰতিবাদী অৱস্থান কায্যসূচীত উপস্থিত থাকে সদৌ গোলাঘাট জিলা চুতীয়া ছাত্ৰ সন্থা সাধাৰণ সম্পাদক কুলেশ কৰা, বোকাখাত জ্যেষ্ঠ সাংবাদিক তথা জাতি সন্মিলনৰ উপদেষ্টা ভৱেশ শইকীয়া, বিশিষ্ট সাহিত্যিক তথা উপদেষ্টা অন্নদা শইকীয়া, দেউৰী চুতীয়া সাহিত্য সভা সভাপতি প্ৰতাপ নেওগ বোকাখাত জিলা চুতীয়া জাতি সন্মিলনৰ সভাপতি প্ৰতাপ চন্দ্ৰ বৰা, বোকাখাত মহকুমা ছাত্ৰ সন্থা সাধাৰণ সম্পাদক গীতাৰ্থ শইকীয়া, চুতীয়া জাতি সন্মিলনৰ চন্দ্ৰপ্ৰভা শইকীয়া। আজি এই কায্যসূচী প্ৰথমে মহকুমা চুতীয়া ছাত্ৰ সন্থা সম্পাদক লাচিত কাকতিয়ে আঁত ধৰা অনুষ্ঠানত সাধনীৰ প্ৰতিচ্ছবিত বন্তি প্ৰজ্বলন কৰে প্ৰতাপ নেওগে। শেষত বোকাখাত মহকুমা প্ৰশাসনৰ তৰফৰ পৰা বোকাখাত নিৰ্বাচনি বিষয়া নিশিতা বৰাক স্মৰক প্ৰদান কৰে।
