চিবিআই (CBI) আৰু ইডিৰ (ED) দৰে সংস্থাবোৰক অপব্যৱহাৰ (Abuse) কৰিছে কেন্দ্র (Centre)ই। এই অভিযোগ কৰি শীর্ষ আদালতত গোচৰ তৰিব বিচাৰিছিল ১৪টা বিজেপি বিৰোধী দলে (14 Opposition parties)। কিন্তু সেই আবেদন অগ্ৰাহ্য হ’ল শীৰ্ষ আদালতত।
১৪টা বিজেপি বিৰোধী দলৰ আবেদন ঘূৰাই পঠালে দেশৰ উচ্চতম আদালতে। বিৰোধী নেতাসকলক হাৰাশাস্তি কৰিবলৈ চিবিআই আৰু ইডিৰ দৰে সংস্থাবোৰক অপব্যৱহৰর ৰিছে কেন্দ্রই। যৌথভাৱে এই অভিযোগ কৰিছিল ১৪টা দলে। কিন্তু বুধবাৰে প্রধান ন্যায়াধীশ ডিৱাই চন্দ্রচূড় আৰু ন্যায়াধীশ জেবি পর্দিৱালাৰ খণ্ড বিচাৰপীঠে আবেদনখন গ্রহণ কৰিবলৈ অস্বীকাৰ কৰে।
খণ্ড বিচাৰপীঠে জনাইছে, কোনো বাস্তবিক প্রেক্ষাপট অবিহনে এই বিষয়ত কোনো সাধাৰণ নির্দেশনা জাৰি কৰিব নোৱাৰে আদালতে। লগতে জনাইছে, আদালতে কেৱল ব্যক্তিগত গোচৰৰ ক্ষেত্রতহে হস্তক্ষেপ কৰিব পাৰে। বিচাৰপীঠে আৰু জনাইছে, সাধাৰণ নাগৰিকসকলতকৈ বেছি সুবিধা দাবী কৰিব নোৱাৰে ৰাজনৈতিক নেতাসকলে। ইয়াৰ পিছতে আবেদনকাৰীসকলৰ অধিবক্তা ডঃ অভিষেক মনু সিংভিয়ে আবেদনখন প্রত্যাহাৰ কৰে।
