আজি ৰাইজৰ বাবে দুৱাৰ মুকলি হ’ল এইমছ গুৱাহাটী (Guwahati AIIMS)ৰ। প্ৰধানমন্ত্ৰী নৰেন্দ্ৰ মোদী (Narendra Modi)য়ে আনুষ্ঠানিকভাৱে ৰাইজৰ সেৱাত উৎসৰ্গা (Dedicated to peoples) কৰে উত্তৰ-পূৰ্বাঞ্চলৰ প্ৰথমখন এইমছ (first AIIMS in the Northeast)।
পূর্ব পৰিকল্পনা মতেই ১৪ আজি অসম ভ্ৰমণলৈ আহে প্ৰধানমন্ত্ৰী। বৰঝাৰ বিমানবন্দৰত মুখ্যমন্ত্ৰী হিমন্ত বিশ্ব শর্মাই তেওঁক স্বাগতম জনায়। তাৰ পৰা তেওঁ বিশেষ হেলিকপ্টাৰেৰে আই আই টি গুৱাহাটীত অৱতৰণ কৰি তাৰ পৰা এইমছস্থলীলৈ গৈ উদ্বোধন কৰে। উল্লেখ্য, ২০১৭ চনত AIIMS গুৱাহাটীৰ আধাৰশিলা স্থাপন কৰা হৈছিল। নির্মাণ সম্পন্ন হোৱাৰ পিছত উত্তৰে-পূবৰ প্রথম এইমছখনক জাতিৰ উদ্দেশ্যে উছৰ্গা কৰে প্রধানমন্ত্রীয়ে।
ইয়াৰ উপৰি কোকৰাঝাৰ, নলবাৰী আৰু নগাঁও মেডিকেল কলেজ আৰু হস্পিটেল উদ্বোধন কৰে মোদীয়ে।এই প্রতিখন মেডিকেল কলেজত আছেছে ইনডোৰ, আউটডোৰ, আইসি4ইউ, জৰুৰী সেৱাসহ অপাৰেচন থিয়েটাৰ আৰু ৫০০ খনকৈ বিছনা। আনহাতে, এইমছ গুৱাহাটী উদ্বোধন কৰি প্ৰধানমন্ত্ৰীয়ে লগতে কয়, দেশত ১৫ খন নতুন এইমছৰ কাম আৰম্ভ হৈছে। লগতে তেওঁ জনায়, বিজেপিৰ নীতি হৈছে প্ৰথমে জাতি, প্ৰথমে দেশবাসী।
বিজেপি চৰকাৰৰ নীতি কোনো স্বার্থপৰতা দ্বাৰা নির্ধাৰিত নহয় বুলিও তেওঁ উল্লেখ কৰে।উল্লেখযোগ্য যে আজি ৰাজ্যত প্রায় ১.১ আয়ুষ্মান ভাৰত প্রধানমন্ত্রী জন আৰোগ্য যোজনা কার্ড বিতৰণ কৰিব মোদীয়ে। লগতে বৃহস্পতিবাৰে বিশ্ব ৰেকৰ্ড সৃষ্টি কৰা বিহুও উপভোগ কৰিব প্ৰধানমন্ত্ৰীয়ে।
