কাজলে (Kajol looking work) কাম বিচাৰিছে? এটা ভিডিঅ’ৰ বাবেই এতিয়া সৰ্বত্ৰে চৰ্চা! বলীউডৰ কেৰিয়াৰৰ তিনিটা দশক পাৰ কৰাৰ পিছত কাজলে কাম বিচাৰিবলগা হৈছে? ভিডিঅʼটোত ছিমৰনে ঠিক সেয়াই কৈছে। তাত ধেমালি বা ৰসিকতা অলপো নাই। যথেষ্ট গাম্ভীৰ্যতাৰে কাজলে কয় যে পাৰিবাৰিক দায়িত্ব আৰু সন্তানক ডাঙৰ-দীঘল কৰাৰ কৰ্তব্যৰ বাবেই অভিনয়ৰ পৰা অৱসৰ ল’বলগীয়া হয়।
সেই দায়িত্বৰ বোজা এতিয়া বহু লঘু হৈ পৰিছে। সেয়ে তেওঁ কামলৈ ঘূৰি আহিব বিচাৰে। যদিও তেওঁ কম বয়সীয়াসকলৰ সৈতে প্ৰতিযোগিতাত অৱতীৰ্ণ হʼবলৈ অলপ নাৰ্ভাছ, তথাপি নিজকে পুনৰ উদ্ভাৱন কৰাত অতি আত্মবিশ্বাসী বুলিও তেওঁ কয়। শেষত অৱশ্যে কাহিনীৰ আঁৰৰ কাহিনীটো প্ৰকাশ পায়। এয়া আচলতে তেওঁৰ নতুন ছবি ‘দ্য ট্ৰায়েল- পেয়াৰ, কানুন, ধোখা’ৰ প্ৰচাৰহে (The Trial – Pyaar, Kanoon, Dhokha’s Publicity)!
চুহানাই ক্ৰয় কৰিলে মাটি
ইতিমধ্যে নতুন ছবি ‘আৰ্চিছ’-এ তেওঁক শিৰোনামলৈ আনিছে। তাৰ মাজতে আন এক নতুন খবৰ। মুম্বাইৰ উপকণ্ঠ অঞ্চলৰ আলিবাগৰ থাল ভিলেজ এলেকাৰ কৃষিভূমি ক্ৰয় কৰিছে চুহানা খানে (Suhana Khan)। শ্বাহৰুখ খানৰ কন্যাই ১২ কোটি ৯১ লাখ টকাত ক্ৰয় কৰে মাটিখিনি। লগতে মাটিত ২ হাজাৰ ২১৮ বৰ্গফুটৰ এটা ঘৰ। জানিব পৰা মতে, ভূমি পঞ্জীয়নৰ বাবে চুহানাই ৭৭ লাখ ৪৬ হাজাৰ টকা খৰচ কৰিছে। যাৰ বাবে অনুৰাগীৰ মাজত কৌতুহল তুঙ্গত। মাটিখিনিৰে চুহানাই কি কৰিব, কেনেকৈ ব্যৱহাৰ কৰিব সেই সম্পৰ্কে ইতিমধ্যে বিস্তৃত চৰ্চা আৰম্ভ হৈছে।
